തിരുവനന്തപുരം : തെറ്റ് തിരുത്തലല്ല, ആവര്‍ത്തിക്കലാണ് സര്‍ക്കാര്‍ നയമെന്ന് എ.ഐ.സി.സി ജനറൽ സെക്രട്ടറി ഉമ്മന്‍ചാണ്ടി. സിപിഐ പ്രവര്‍ത്തകരെ ആക്രമിച്ചത് ഇതിന് തെളിവാണെന്നും അദ്ദേഹം കുറ്റപ്പെടുത്തി. പിഎസ്സിയിലെയും യൂണിവേഴ്സിറ്റികളിലെയും ക്രമക്കേട് സംബന്ധിച്ച കേസിലെ അന്വേഷണങ്ങള്‍ മുഖ്യമന്ത്രി അട്ടിമറിക്കുന്നുവെന്ന് പ്രതിപക്ഷ നേതാവ് രമേശ് ചെന്നിത്തല ആരോപിച്ചു. കുറ്റങ്ങളെല്ലാം പ്രതിപക്ഷത്തിന്റേയും മാധ്യമങ്ങളുടേയും തലയില്‍ കെട്ടിവയ്ക്കാനാണ് ശ്രമമെന്നും അദ്ദേഹം പറഞ്ഞു. ഉപരോധ സമരം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു.
തലസ്ഥാനത്തെ കുരുക്കിലാക്കിയാണ് യു.ഡി.എഫിന്റെ ഉപരോധസമരം. യൂണിവേഴ്സിറ്റി കോളജ്, പിഎസ്്സി വിഷയങ്ങളില്‍ പ്രതിഷേധിച്ചാണ് സെക്രട്ടേറിയറ്റിന്റെ മൂന്ന് ഗേറ്റുകളും ഉപരോധിച്ചുള്ള യുഡിഎഫിന്റെ സമരം. സെക്രട്ടേറിയറ്റിന് സമീപം വന്‍ ഗതാഗതകുരുക്കാണ് അനുഭവപ്പെടുന്നത്. പൊലീസ് മിക്ക റോഡുകളും അടച്ചു.സെക്രട്ടേറിയറ്റിലേക്ക് കാല്‍നടയാത്രക്കാരെപ്പോലും കടത്തിവിടുന്നില്ല.
This post have 0 komentar
EmoticonEmoticon