കുവൈത്തില്‍ ഇലക്​ട്രിക്​ കാറുകൾക്ക് കൂടുതൽ പ്രചാരം നൽകാനൊരുങ്ങുന്നു

കുവൈത്ത് സിറ്റി: ഇലക്​ട്രിക്​ കാറുകൾക്ക് കൂടുതൽ പ്രചാരം നൽകാനൊരുങ്ങി കുവൈത്ത്. രാജ്യമെമ്പാടും ഇത്തരം വാഹനങ്ങളുടെ ചാർജിങ്​ സ്​റ്റേഷനുകൾ സ്ഥാപിക്കുന്നതിനെ സംബന്ധിച്ച്​ വൈദ്യുതി മന്ത്രാലയം പഠനം ആരംഭിച്ചു. പരിസ്ഥിതി സൗഹൃദമായ ഇലക്ടിക് കാറുകളുടെ ഉപയോഗം പ്രോത്സാഹിപ്പിക്കുക എന്ന ലക്ഷ്യത്തോടെ യാണ്​ മന്ത്രാലയം പ്രത്യേക പഠനത്തിന് തുടക്കമിട്ടത്. 

ചാർജിങ്​ സെൻററുകൾക്കായി അപേക്ഷിക്കാൻ വേണ്ട നിബന്ധനകൾ തയാറാക്കി വരികയാണെന്നും ഇലക്​ട്രിക്​ കാറുകൾ സർവ വ്യാപിയാവുന്നതോടെ പരിസ്ഥിതി മലിനീകരണം പകുതിയായി കുറയുമെന്നാണ്​ പ്രതീക്ഷയെന്നും​ വൈദ്യുതി മന്ത്രാലയത്തിലെ ഭരണകാര്യ ഉപമേധാവി മുഹമ്മദ്​ അൽ ഷർഹാൻ പറഞ്ഞു. 

ദൂരയാത്രകളിൽ ചാർജ്​ ചെയ്യുന്നതടക്കമുള്ള ബുദ്ധിമുട്ടുകളാണ്​ ഇത്തരം കാറുകളുടെ അപാകതയായി പറയാറുള്ളത്​. ഇത് പരിഹരിക്കാനാണ് കുവൈത്ത് രാജ്യവ്യാപകമായി ചാർജിംഗ് സ്റ്റേഷനുകൾ സ്ഥാപിക്കാൻ ഒരുങ്ങുന്നത്.

http://bit.ly/2wVDrVv