ചാലക്കുടി: കൈക്കൂലിക്കേസില്‍ ചാലക്കുടിയിലെ ജി.എസ്.ടി ഓഫീസ് സൂപ്രണ്ടിനെ സി.ബി.ഐ അറസ്റ്റ് ചെയ്തു. നടത്തറ കൈനൂര്‍ വീട്ടില്‍ കണ്ണന്‍ (45) ആണ് അറസ്റ്റിലായത്.
സൗത്ത് ജംഗ്ഷനിലെ ഗോകുലം കാറ്ററിംഗ് ഉടമ സത്യനില്‍ നിന്നും ഒരു ലക്ഷം രൂപ കൈക്കൂലി വാങ്ങുന്നതിനിടെ നഗരത്തിലെ പ്രമുഖ ഹോട്ടലില്‍ വച്ചാണ് ഇയാള്‍ പിടിയിലായത്. തനിക്ക് പണം വേണമെന്ന് ആവശ്യപ്പെട്ട് കാറ്ററിംഗ് ഉടമയെ ഇയാള്‍ നിരന്തരം ഭീഷണിപ്പെടുത്തിയിരുന്നു. ഒടുവില്‍ പണം നല്‍കാമെന്ന് സമ്മതിച്ച ഉടമ വിവരം സി.ബി.ഐയെ അറിയിക്കുകയായിരുന്നു.
15 ലക്ഷം രൂപയുടെ ജി.എസ്.ടി അടയ്‌ക്കണമെന്നും ഇതില്‍ നിന്ന് ഒഴിവാക്കുന്നതിന് അഞ്ചു ലക്ഷം രൂപ നല്‍കിയാല്‍ മതിയെന്നും സൂപ്രണ്ട് വാഗ്ദ്ധാനം ചെയ്തു. എന്നാല്‍ രണ്ടു ലക്ഷം രൂപ നല്‍കാമെന്ന് കാറ്ററിംഗ് ഉടമ സമ്മതിച്ചു. ഇതുപ്രകാരം കൊരട്ടിയില്‍ വച്ച്‌ പണം നല്‍കാമെന്നായിരുന്നു ഉടമ്ബടി.
വൈകിട്ട് അഞ്ചോടെ ഉടമയെ ഫോണില്‍ വിളിച്ച സൂപ്രണ്ട് ചാലക്കുടി റെയില്‍വേ സ്റ്റേഷന്‍ റോഡിലുള്ള ഹോട്ടലില്‍ എത്തണമെന്ന് നിര്‍ദേശിച്ചു. വിവരം അറിയിച്ചതിനെ തുടര്‍ന്ന് എറണാകുളം വിംഗില്‍ നിന്നെത്തിയ സി.ബി.ഐ ഉദ്യോഗസ്ഥര്‍ കൈക്കൂലിയിലെ ആദ്യ ഗഡുവായ ഒരു ലക്ഷം രൂപ കൈമാറുമ്ബോള്‍ സൂപ്രണ്ടിനെ കൈയ്യോടെ പിടികൂടുകയായിരുന്നു.
http://bit.ly/2wVDrVv
This post have 0 komentar
EmoticonEmoticon