തിരുവനന്തപുരം: ചരിത്ര പ്രസിദ്ധമായ ആറ്റുകാല്‍ പൊങ്കാല ഇന്ന്. നിരവധി സ്ത്രീകളാണ് പുലര്‍ച്ചെ തന്നെ ആറ്റുകാല്‍ ക്ഷേത്രത്തിലും പരിസരത്തും അടുപ്പുകള്‍ കൂട്ടി പൊങ്കാല അര്‍പ്പിക്കാന്‍ കാത്തുനില്‍ക്കുന്നത്. പൊങ്കാലയ‌്ക്ക് എത്തുന്നവര്‍ക്കായി ക്ഷേത്രട്രസ്റ്റിന്റെയും സര്‍ക്കാരിന്റെയും നഗരസഭയുടെയും നേതൃത്വത്തില്‍ വിപുലമായ സജ്ജീകരണം ഒരുക്കി. പൊലീസും ഫയര്‍ഫോഴ‌്സും വന്‍ സുരക്ഷയും ഏര്‍പ്പെടുത്തിയിട്ടുണ്ട‌്. രാവിലെ 10.15-ന് പണ്ടാര അടുപ്പില്‍ തീകത്തിക്കും.
കുംഭ മാസത്തിലെ പൂരം നാളും പൗര്‍ണമിയും ഒത്തുചേരുന്ന ബുധനാഴ്ച രാവിലെ 10.15 ന് തന്ത്രി തെക്കേടത്ത് കുഴിക്കാട്ട് പരമേശ്വരന്‍ വാസുദേവന്‍ ഭട്ടതിരിപ്പാട് ശ്രീകോവിലില്‍ നിന്ന് കൈമാറുന്ന ദീപം വലിയ തിടപ്പള്ളിയിലും ചെറിയ തിടപ്പള്ളിയിലും പണ്ടാരയടുപ്പിലേക്കും പകരും. ഒപ്പം നഗരത്തിന്റെ പത്ത് കിലോമീറ്റര്‍ ചുറ്റളവില്‍ ഭക്തര്‍ ഒരുക്കിയ അടുപ്പുകളിലും ദീപം തെളിക്കും. പകല്‍ 2.15-നാണ് പൊങ്കാല നിവേദ്യം. നിവേദ്യത്തിനായി 250- ശാന്തിമാര്‍ വിവിധ മേഖലകളിലെത്തും.
രാത്രി 7.30-ന് ചൂരല്‍കുത്ത് ചടങ്ങ‌്. വ്യാഴാഴ്ച രാത്രി നടക്കുന്ന കുരുതിതര്‍പ്പണത്തോടെ ഉത്സവം സമാപിക്കും.പ്രത്യേക കെഎസ്ആര്ടിസി ബസുകളും ട്രെയിനുകളും സര്‍വീസ‌് നടത്തുന്നുണ്ട‌്. ഹരിതചട്ടം പാലിക്കുന്നതിന്റെ ഭാഗമായി പ്ലാസ്റ്റിക്കിന്റെയും ഫ‌്ളക‌്സിന്റെയും ഉപയോഗം തടഞ്ഞു. വനിതാ ബറ്റാലിയന്‍ ഉള്‍പ്പെടെ 3700 പൊലീസുകാരെ സുരക്ഷയ്ക്കായി നിയോഗിച്ചു. ഡ്രോണുകള്‍ ഉപയോഗിച്ച‌് ആകാശനിരീക്ഷണവും ഒരുക്കി. മുഖ്യമന്ത്രി പിണറായി വിജയന്‍ നേരിട്ട‌് ഒരുക്കം വിലയിരുത്തി.
നഗരത്തിന്റെ പത്ത് കിലോമീറ്റര്‍ ചുറ്റളിവിലാണ് ഇക്കുറി പൊങ്കാലക്കലങ്ങള്‍ നിരക്കുക. ആറ്റുകാലിലേക്ക് എത്തിച്ചേരുന്ന ഭക്തരുടെ സൗകര്യാര്‍ത്ഥം ഇന്നലെ ഉച്ച മുതല്‍ തലസ്ഥാനത്ത് ഗതാഗത നിയന്ത്രണം ഏര്‍പ്പെടുത്തിയിരുന്നു. 3800 പൊലീസുകാരെയാണ് സുരക്ഷയ്ക്കായി വിന്യസിച്ചിരിക്കുന്നത്. ഹരിത ചട്ടം പൂര്‍ണമായും പാലിച്ചാവും ഇത്തവണയും പൊങ്കാല ഉത്സവങ്ങള്‍ നടക്കുകയെന്ന് കളക്ടര്‍ അറിയിച്ചു. പ്ലാസ്റ്റിക് ഒഴിവാക്കാന്‍ ഭക്തജനങ്ങള്‍ക്ക് നിര്‍ദ്ദേശം നല്‍കിയിട്ടുണ്ട്. 2000 ലേറെ ആളുകളെ ശുചീകരണ ജോലികള്‍ക്കായി നിയോഗിച്ചിട്ടുണ്ടെന്ന് നഗരസഭ വ്യക്തമാക്കി.
കെഎസ്ആര്ടിസി പ്രത്യേക സര്‍വ്വീസുകള്‍ നടത്തും. ആറ്റുകാല്‍ പൊങ്കാലയോട് അനുബന്ധിച്ച്‌ തിരുവനന്തപുരം ജില്ലയില്‍ കളക്ടര്‍ പ്രാദേശിക അവധി പ്രഖ്യാപിച്ചു.
http://bit.ly/2wVDrVv
This post have 0 komentar
EmoticonEmoticon