തിരുവനന്തപുരം: കേരളാ പൊലീസ് ആസ്ഥാനത്ത് എസ്‌.ഐയുടെ പദവി നല്‍കി സന്ദര്‍ശകരെ വരവേല്‍ക്കാന്‍ സ്ഥാപിച്ച കെ.പി-ബോട്ട് റോബോട്ട് പണിമുടക്കി. നിലവില്‍ പ്രവര്‍ത്തന രഹിതമായിരിക്കുകയാണ് ഈ റോബോട്ട്.
പ്രവര്‍ത്തനോദ്ഘാടനം 2019 ഫെബ്രുവരി 19 ന് മുഖ്യമന്ത്രി പിണറായി വിജയനാണ് നിര്‍വഹിച്ചത്. സംസ്ഥാന പൊലീസിലെ മോഡണൈസേഷന്റെയും പൊലീസ് സേനയില്‍ സാങ്കേതിക വിദ്യ നടപ്പാക്കുന്നതിന്റെയും ഭാഗമായാണ് സംസ്ഥാന പൊലീസ് ആസ്ഥാനത്തെ റിസപ്ഷനില്‍ ആളുകളെ സ്വീകരിക്കാനും ഒരു റിസപ്ഷനിസ്റ്റിന്റെ പണി നോക്കാനുമായി റോബോട്ടിനെ നിറുത്തിയത്.
കേരളത്തിലൂടെ, റോബോട്ടുകളെ ഉപയോഗിക്കുന്ന രാജ്യങ്ങളില്‍ ഇന്ത്യ നാലാമത്തെ രാജ്യമായി മാറിയെന്ന് അന്ന് സര്‍ക്കാര്‍ അവകാശപ്പെട്ടിരുന്നു. പൊലീസ് നവീകരണത്തിന് സംസ്ഥാന സര്‍ക്കാരിന്റെ ആയിരം ദിനങ്ങള്‍ക്കുള്ളില്‍ നടപ്പിലാക്കുന്ന ശ്രദ്ധേയമായ ചുവടുവെപ്പാണ് കെപി -ബോട്ട് റോബോട്ട്. വനിതാ റോബോട്ടിന്റെ പ്രവര്‍ത്തന ഉദ്ഘാടന ദിവസം മുഖ്യമന്ത്രിയെ സല്യൂട്ട് ചെയ്യിപ്പിക്കുകയും ചെയ്‌തിരുന്നു.
കേരള പൊലീസ് സൈബര്‍ഡോമുമായി സഹകരിച്ച് കൊച്ചിയിലെ സ്റ്റാര്‍ട്ട് അപ്പ് ആണ് കെ.പി.ബോട്ട് വികസിപ്പിച്ചത്. പക്ഷേ നാല് മാസം കൊണ്ട് ഈ റോബോട്ട് പ്രവര്‍ത്തിക്കാതെയായിരിക്കുകയാണ്. കേരളത്തിലെ സ്റ്റാര്‍ട്ടപ്പുകളുടെ പങ്കാളിത്തത്തോടെയാണ് ഈ നൂതനസംരംഭത്തിന് തുടക്കമിട്ടത്.
http://bit.ly/2wVDrVv
This post have 0 komentar
EmoticonEmoticon