എസ്എസ്എൽസി ഫലം ഇന്നറിയാം; ഔദ്യോഗിക പ്രഖ്യാപനം രണ്ട് മണിക്ക്

തിരുവനന്തപുരം: എസ്എസ്എല്‍സി പരീക്ഷ ഫലം ഇന്ന് പ്രഖ്യാപിക്കും. രാവിലെ ഒൻപതിന് പരീക്ഷാ ബോർഡ് ചേർന്ന് ഫലം അംഗീകരിച്ചതിനു ശേഷം ഉച്ചയ്ക്ക് രണ്ട് മണിയോടെയാണ് ഔദ്യോഗിക ഫലപ്രഖ്യാപനം ഉണ്ടാവുക. തെരഞ്ഞെടുപ്പ് പെരുമാറ്റച്ചട്ടം നിലനിൽക്കുന്നതിനാൽ വിദ്യാഭ്യാസ മന്ത്രിക്ക് പകരം വിദ്യാഭ്യാസ സെക്രട്ടറി ആകും ഫലം പ്രഖ്യാപിക്കുക.

ഒദ്യോഗിക ഫലപ്രഖ്യാപനത്തിന് ശേഷം സംസ്ഥാനസര്‍ക്കാരിന്‍റെ അ‍ഞ്ച് വെബ് സൈറ്റുകളിലൂടെ ഫലം അറിയാം. 

1. keralapareeksahabhavan.in
2. sslcexam.kerala.gov.in
3. results.kite.kerala.gov.in
4. results.kerala.nic.in
5. prd.kerala.gov.in 
ഫലം പി ആര്‍ഡി ലൈവ് മൊബൈല്‍ ആപ്പിലൂടെയും അറിയാനാകും. 

എസ്എസ്എൽസിക്കൊപ്പം ടിഎച്ച്സ്എല്‍സി, ടിഎച്ച്സ്എല്‍സി (ഹിയറിംഗ് ഇംപേര്‍ഡ്), എസ്എസ്എല്‍സി(ഹിയറിംഗ് ഇംപേര്‍ഡ്), എഎച്ച്എസ്എല്‍സി എന്നീ പരീക്ഷകളുടെ ഫലപ്രഖ്യാപനവും ഉണ്ടായിരിക്കുന്നതാണ്. 

എസ്എസ്എല്‍സി(എച്ച്ഐ), ടിഎച്ച്സ്എല്‍സി (ഹിയറിംഗ് ഇംപേര്‍ഡ്) എന്നിവയുടെ ഫലം sslchiexam.kerala.gov.in എന്ന ലിങ്കിലും ടിഎച്ച്എസ്എല്‍സി ഫലം thslcexam.kerala.gov.in എന്ന ലിങ്കിലും ലഭ്യമാവും. 

http://bit.ly/2wVDrVv