വാഗാ : കര്‍താര്‍പൂര്‍ ഇടനാഴി വിഷയത്തില്‍ ഇന്ന് ഇന്ത്യാ - പാക് നിര്‍ണായക ചര്‍ച്ച. വാഗാ അതിര്‍ത്തിയിലാണ് രാവിലെ 9.30ന്നാണ് ചര്‍ച്ച. ചര്‍ച്ചക്ക് മുന്നോടിയായി ഇന്ത്യയുടെ ആവശ്യം പരിഗണിച്ച് കര്‍ത്താര്‍പ്പൂര്‍ നടത്തിപ്പ് സമിതി പാകിസ്താന്‍ പുനസംഘടിപ്പിച്ചിരുന്നു.
പാകിസ്താനിലെ കര്‍‌ത്താര്‍പൂര്‍ ഗുരുദ്വാര സാഹിബിലേക്ക് ഇന്ത്യന്‍ തീര്‍ത്ഥാടകര്‍ക്ക് സന്ദര്‍ശനം സാധ്യമാക്കുന്ന ഇടനാഴിയാണിത്. ഇരു രാജ്യങ്ങളിലും പ്രാഥമിക ധാരണയായതോടെ ഇടനാഴിയുടെ തറക്കല്ലിടല്‍ പൂര്‍ത്തിയായി. എന്നാല്‍ നിര്‍മ്മാണ രീതിയിലും മറ്റു സാങ്കേതിക വിഷയങ്ങളിലും അഭിപ്രായ ഭിന്നതകള്‍ ഏറെയുണ്ട്. ഇതേ തുടര്‍ന്ന് ഏപ്രില്‍ രണ്ടിന് നിശ്ചയിച്ച ചര്‍ച്ച മാറ്റി വക്കേണ്ടി വന്നു. ഇതിന് ശേഷം ഇന്ത്യ മുന്‍ കൈയ്യെടുത്തതോടെയാണ് ഇന്ന് ചര്‍ച്ച നിശ്ചയിച്ചത്.
ഈ ഇടനാഴിക്കായി പാകിസ്താന്‍ രൂപീകരിച്ച നിര്‍മ്മാണ സമിതിയില്‍ ഖാലിസ്ഥാന്‍ അനുകൂലിയായ ഗോപാല്‍ സിംഗ് ചാവ് ലയെ ഉള്‍പ്പെടുത്തിയതിലും ഇന്ത്യ വിയോജിപ്പ് അറിയിച്ചിരുന്നു. ഇക്കാര്യം പരിഗണിച്ച് ഇയാളെ ഒഴിവാക്കി സമതി കഴിഞ്ഞ ദിവസം പാകിസ്താന്‍ പുന:സംഘടിപ്പിച്ചിട്ടുണ്ട്.
https://ift.tt/2wVDrVv
This post have 0 komentar
EmoticonEmoticon