കോയമ്പത്തൂര്‍: അനുജന്റെ മരണസര്‍ട്ടിഫിക്കറ്റ് വാങ്ങാന്‍ പോയ ജ്യേഷ്ഠനും മരിച്ചു. തിരിച്ചുമടങ്ങും വഴിയാണ് അപകടത്തില്‍പ്പെട്ട് ജ്യേഷ്ഠനും മരണത്തിനിരയായത്. അനുജന്‍ ബൈക്ക് അപകടത്തില്‍ മരിച്ചതിന്റെ 41-ാംദിവസമാണ് ജ്യേഷഠനും ബൈക്ക് അപകടത്തില്‍ തന്നെ മരിച്ചത്.
അടയ്ക്കാപുത്തൂര്‍ കാഞ്ഞിംകുന്നത്ത് പരേതരായ അയ്യപ്പന്റെയും പാറുവിന്റെയും മകന്‍ ഉണ്ണികൃഷ്ണന്‍ (48) ആണു കഴിഞ്ഞ ദിവസം മരിച്ചത്. 40 ദിവസം മുന്‍പ് അനുജന്‍ വേലായുധന്‍ കോയമ്പത്തൂരില്‍ പ്ലമിങ് ജോലി കഴിഞ്ഞു രാത്രി ബൈക്കില്‍ വീട്ടിലേക്കു മടങ്ങുന്നതിനിടെ ബസ് ഇടിച്ചാണു മരിച്ചത്. ഇതിന്റെ മരണ സര്‍ട്ടിഫിക്കറ്റും മറ്റു രേഖകളും ശരിയാക്കുന്നതിനു വേണ്ടി ജ്യേഷ്ഠന്‍ ഉണ്ണികൃഷ്ണന്‍ കോയമ്ബത്തൂരില്‍ പോയി തിരിച്ചു വരുന്നതിനിടെയാണു മരിച്ചത്. ബൈക്കില്‍ അടയ്ക്കാപുത്തൂരിലേക്കു വരുമ്പോള്‍ പത്തിരിപ്പാല ഭാഗത്ത് റോഡില്‍ ചെളിവെള്ളം നിറഞ്ഞ കുഴിയില്‍ വീണാണ് അപകടം. പരുക്കേറ്റ ഉണ്ണികൃഷ്ണന്‍ തൃശൂരിലെ സ്വകാര്യ ആശുപത്രിയില്‍ ചികിത്സയിലിരിക്കെയാണു മരണം.
https://ift.tt/2wVDrVv
This post have 0 komentar
EmoticonEmoticon