ന്യൂജേഴ്‌സി: ഒക്ടോബറിൽ ഇന്ത്യ പ്രസ്സ്‌ ക്ലബ്‌ കോൺഫറൻസിനോടനുബന്ധിച്ചു നടക്കുന്ന അവാർഡ്‌ നിശയിൽഅമേരിക്കയിലെ മികച്ച കമ്മ്യൂണിറ്റി ലീഡറിനെ ആദരിക്കുന്നതായിരിക്കും. ഇന്ത്യ പ്രസ്സ്‌ ക്ലബിന്റെ സ്ഥാപക പ്രസിഡന്റ് ജോർജ്ജ്‌ ജോസഫ് ചെയർ മാനായുള്ള ജൂറിയിൽ പോൾ കറുകപള്ളിയും അനിയൻ ജോർജ്ജും അംഗങ്ങളായിരിക്കും . ദൈനം ദിന തിരക്കുകൾക്കിടയിലും പൊതു സേവനത്തിനു ധാരാളം സമയം ചെലവഴിച്ച നിരവധിയാളുകൾ അമേരിക്കൻ മലയാളി സമൂഹത്തിലുണ്ട്‌. അവരുടെയൊക്കെ പ്രവർത്തന മികവ്‌ പലപ്പോഴും ഒരു സമൂഹമെന്ന നിലയിൽ കോർത്തിണക്കുന്നതിൽ പൊതു പ്രവര്‍ത്തകര്‍ ക്ക് വലിയ പങ്കുണ്ട്‌. അവരുടെ സേവനങ്ങൾക്കുള്ള ഒരു ആദരവാണു ഇന്ത്യ പ്രസ്സ്‌ ക്ലബ്‌ ഇതിലൂടെ ഒരുക്കുന്നത്‌. നിങ്ങൾ നിർദ്ദേശിക്കുന്ന ആളിന്റെ വിശദാംശങ്ങൾ ദയവായി ഈമെയിൽ ചെയ്യുക . ഒപ്പം അവർ നടത്തിയ സേവനങ്ങളുടെ വിശദാം ശങ്ങളും അറിയിക്കുക. email (ggjey1@gmail.com or mail@indiapressclub.us).നോമിനേഷനുകള്‍ സെപ്റ്റംബര്‍ 30 നു മുമ്പ് ലഭിക്കണം .
അമേരിക്കൻ മലയാളികളുടെ ഇടയിൽ ഒരു പുതിയ മാധ്യമ സംസ്കാരത്തിന് തിരി കൊളുത്തി കൊണ്ട് നടത്തുന്ന ഈ ദേശീയ കോൺഫറൻസ് ഇതുവരെ നടന്നിട്ടുള്ള ദേശീയ കോൺഫറൻസുകളിൽ വച്ച് വളരെയധികം വ്യത്യസ്തവും പുതുമ നിറഞ്ഞതും ആയിരിക്കും.ഒക്ടോബർ 10, 11, 12 തീയതികളിൽ ന്യൂജഴ്സിയിലെ എഡിസനിലുള്ള ഈ ഹോട്ടലിൽ നടക്കുന്ന കോൺഫറൻസിൽ കേരളത്തിൽ നിന്ന് മന്ത്രി കെ ടി ജലീൽ, രമ്യ ഹരിദാസ്‌ എം പി മാധ്യമപ്രവർത്തകരായ ഏഷ്യാനെറ്റിലെ എം ജി രാധാകൃഷ്ണൻ (News Editor) മാതൃഭൂമിയിലെ വേണു ബാലകൃഷ്ണൻ, , ഹിന്ദു പത്രത്തിന്റെ ജോസി ജോസഫ്, സോഷ്യൽ മീഡിയയിലൂടെ തരംഗമായി മാറിയ വിനോദ് നാരായണൻ തുടങ്ങി ഒട്ടേറെ പ്രമുഖർ പങ്കെടുക്കുന്നതാണ്.എട്ടാമത് ദേശീയ കോണ്‍ ഫ്രന്‍സ് സര്‍വകാല വിജയമാക്കാന്‍ മധു കൊട്ടാരക്കര ( പ്രസിഡന്റ്),ശിവന്‍ മുഹമ്മ (ചെയര്‍ മാന്‍ )സുനില്‍ തൈമറ്റം (സെക്രട്ടറി), സണ്ണി പൌലോസ് (ട്രഷറര്‍),ജയിംസ് വര്‍ഗീസ് (വൈസ് പ്രസിഡന്റ്), അനില്‍ ആറന്മുള (ജോയിന്റ് സെക്രട്ടറി), ജീമോന്‍ ജോര്‍ജ്, (ജോയിന്റ് ട്രഷറര്‍), തുടങ്ങിയവരുടെ നേതൃത്വത്തില്‍ നടക്കുന്ന പ്രവേശനം സൗജന്യമായ ഈ സമ്മേളനത്തിലേയ്ക്ക് വടക്കേ അമേരിക്കയിലെ എല്ലാ മലയാളി സുഹൃത്തുക്കളെയും സംഘടനകളെയും സഹര്‍ഷം സ്വാഗതം ചെയ്യുന്നു.ഇന്ത്യാ പ്രസ്ക്ലബിന്റെ 8 ചാപ്റ്ററുകളില്‍ നിന്നുള്ള മാധ്യമപ്രവര്‍ത്തകര്‍, വടക്കേ അമേരിക്കയിലെ മലയാളി സമൂഹത്തില്‍ സര്‍വസ്പര്‍ശിയായി പ്രവൃത്തിക്കുന്ന സാമുഹിക-സാംസ്കാരിക സംഘടനാ പ്രതിനിധികള്‍, കേരളത്തില്‍ നിന്നുള്ള മാധ്യമ-രാഷ്ട്രീയ പ്രമുഖര്‍, സാഹിത്യപ്രവര്‍ത്തകര്‍ എന്നിവര്‍ പങ്കെടുക്കും. സമരം നടത്തിയിരുന്നു.
This post have 0 komentar
EmoticonEmoticon