ന്യൂഡൽഹി: കശ്മീര്‍ പ്രശ്നത്തില്‍ ഇന്ത്യയ്ക്കെതിരെ ആണവായുധഭീഷണി ആവര്‍ത്തിച്ച് ഇമ്രാന്‍ ഖാന്‍. ഇന്ത്യയുമായി പരമ്പരാഗതയുദ്ധം ഉണ്ടായാല്‍ പാക്കിസ്ഥാന്‍ ജയിക്കാന്‍ സാധ്യത കുറവാണ്. അത്തരമൊരു സാഹചര്യത്തില്‍ ആണവായുധം പ്രയോഗിക്കുക മാത്രമേ മാര്‍ഗമുള്ളുവെന്ന് ടിവി അഭിമുഖത്തില്‍ പാക്കിസ്ഥാന്‍ പ്രധാനമന്ത്രി പറഞ്ഞു. ആണവായുധം കൈവശമുള്ള പാക്കിസ്ഥാന്‍ അന്തിമപോരാട്ടത്തിന് നിര്‍ബന്ധിക്കപ്പെട്ടാല്‍ ഫലം ഭീകരമായിരിക്കുമെന്നും ഇമ്രാന്‍ ഖാന്‍ ആവര്‍ത്തിച്ചു.
അതിനിടെ അതിര്‍ത്തിയിലെ പ്രകോപനങ്ങളില്‍ പാക്കിസ്ഥാനെ ആശങ്ക അറിയിച്ച് ഇന്ത്യ. ഈ വര്‍ഷം പാക്കിസ്ഥാന്‍ 2050 വെടിനിര്‍ത്തല്‍ ലംഘനം നടത്തിയെന്ന് വിദേശകാര്യമന്ത്രാലയം ചൂണ്ടിക്കാട്ടി. 21 ഇന്ത്യക്കാര്‍ കൊല്ലപ്പെട്ടെന്നും സൈന്യം പരമാവധി സംയമനം പാലിക്കുകയാണെന്നും ഇന്ത്യ വ്യക്തമാക്കി.
This post have 0 komentar
EmoticonEmoticon