മഞ്ചേശ്വരം: മഞ്ചേശ്വരത്ത് എസ്ഡിപിഐ പ്രവര്‍ത്തകന് വെട്ടേറ്റു. മിയാപദവ് ലക്ഷംവീട് കോളനിക്ക് സമീപത്തെ ഇബ്രാഹിമിന്റെ മകന്‍ മുഹമ്മദ് ഫൈസലി (25) നാണ് വെട്ടേറ്റത്. ബൈക്കിലെത്തിയ മുഖംമൂടി സംഘമാണ് ഫൈസലിനെ വെട്ടിയത്. ബുധനാഴ്ച്ച രാത്രി 10.30 ഓടെ മീഞ്ച പഞ്ചായത്തിലെ മിയാപദവ് ടൗണിന് സമീപത്താണ് അക്രമം നടന്നത്.
അക്രമത്തിൽ കൈക്കും കാലിനും ഗുരുതര പരിക്കേറ്റ ഫൈസലിനെ മംഗളൂരു ഹൈലാന്‍ഡ് ആശുപത്രിയില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചു. മൂന്നംഗ സംഘമാണ് അക്രമം നടത്തിയത്. ബൈക്ക് ഇടിച്ചു വീഴ്ത്തിയ ശേഷം നിലത്തു വീണ ഫൈസലിനെ വെട്ടി പരിക്കേൽപ്പിക്കുകയായിരുന്നു.
അക്രമത്തില്‍ പരിക്കേറ്റ ഫൈസലിനെ ഉപ്പളയിലെ ആശുപത്രിയില്‍ പ്രവേശിപ്പിച്ചെങ്കിലും നില ഗുരുതരമായതിനാല്‍ പിന്നീട് മംഗളൂരു ഹൈലാന്‍ഡ് ആശുപത്രിയിലേക്ക് മാറ്റുകയായിരുന്നു. ഫൈസല്‍ അപകട നില തരണം ചെയ്തിട്ടുണ്ട്. ഖത്തറില്‍ ജോലി ചെയ്യുന്ന ഫൈസല്‍ ഒരു മാസം മുമ്ബാണ് നാട്ടിലെത്തിയത്.
https://ift.tt/2wVDrVv
This post have 0 komentar
EmoticonEmoticon