ജിദ്ദ: മദീനക്കടുത്ത് തീര്‍ഥാടകര്‍ സഞ്ചരിച്ച ബസ് മറ്റൊരു വാഹനവുമായി കൂട്ടിയിടിച്ച് മുപ്പതിലേറെ പേർ മരണപ്പെട്ടു. മദീനയില്‍ നിന്ന് പുറപ്പെട്ട ബസ്സാണ് അപകടത്തില്‍ പെട്ടത്. അപകടം നടന്നയുടനെ ബസിന് പൂര്‍ണമായും തീപിടിച്ചു. 50 പേര്‍ ബസിലുണ്ടായിരുന്നു. കൃത്യമായ മരണസംഖ്യയോ, ഏതൊക്കെ രാജ്യക്കാർ ബസിൽ ഉണ്ടായിരുന്നെന്നോ അറിവായിട്ടില്ല.
വിവിധ രാജ്യക്കാരായ ഉംറ തീര്‍ഥാടകരാണെന്ന് റിപ്പോര്‍ട്ടുണ്ട്. ഇന്തോനേഷ്യന്‍ തീര്‍ഥാടകരാണ് ബസില്‍ കുടുതലുമെന്നാണ് അനൗദ്യോഗിക വിവരം. ഹിജ്റ റോഡില്‍ മദീനക്ക് 180 കിലോ മീറ്റര്‍ അകലെയാണ് സംഭവം. മദീനയില്‍ നിന്ന് മക്കയിലേക്ക് പോകുന്ന ബസ് മറ്റൊരു വാഹനവുമായി കൂട്ടിയിടിച്ച് അപകടത്തില്‍പെടുകയായിരുന്നു.
അഞ്ച് പേര്‍ക്ക് പൊള്ളലേറ്റിട്ടുണ്ട്. ഇവരെ വാദി ഫറഅ്, അല്‍ഹംന ആശുപത്രികളില്‍ പ്രവേശിപ്പിച്ചു. ഇവരില്‍ മൂന്ന് പേരുടെ നില ഗുരുതരമാണ്. അപകടമുണ്ടായ ഉടനെ പരിസരത്തെ ആശുപത്രികള്‍ക്ക് ജാഗ്രതാ നിര്‍ദേശം നല്‍കിയിരുന്നു.
https://ift.tt/2wVDrVv
This post have 0 komentar
EmoticonEmoticon