മുംബൈ: പ്രകോപനപരമായ പ്രസംഗം നടത്തിയെന്നാരോപിച്ച് ഡോ. കഫീല് ഖാനെ യു.പി പൊലിസ് അറസ്റ്റ് ചെയ്തു. ഡിസംബര് 12ന് പൗരത്വ നിയമ ഭേദഗതിക്കെതിരെ അലിഗഢ് മുസ്ലിം സര്വകലാശാലയില് നടത്തിയ പ്രസംഗത്തിന്റെ പേരിലാണ് നടപടി. പ്രസംഗം പ്രകോപനപരമാണെന്ന് എഫ്.ഐ.ആറില് പറയുന്നു.
മുംബൈയിലെത്തിയാണ് ഉത്തര് പ്രദേശ് സ്പെഷല് ടാസ്ക് ഫോഴ്സ് കഫീല് ഖാനെ അറസ്റ്റ് ചെയ്തത്. പൗരത്വ ഭേദഗതി നിയമത്തിനെതിരായ പ്രതിഷേധങ്ങള്ക്കായാണു കഫീല് ഖാന് മുംബൈയില് എത്തിയത്. ഷഹീന്ബാഗ് സമരത്തിനു പിന്തുണ നല്കി മുംബൈയിലും സമാന രീതിയില് സമരം ആരംഭിച്ചിരുന്നു. ഈ പ്രതിഷേധത്തില് പങ്കെടുക്കുന്നതിനായാണു കഫീല് ഖാന് മുംബൈയിലെത്തിയത്.
ഉത്തര്പ്രദേശിലെ ഗൊരഖ്പൂര് ബി.ആര്.ഡി മെഡിക്കല് കോളജില് ഓക്സിജന് വിതരണം നിലച്ചതിനെ തുടര്ന്ന് 60 ഓളം കുഞ്ഞുങ്ങളുടെ മരണത്തിനിടയാക്കിയ ദുരന്തത്തെ തുടര്ന്നാണ് ഡോ. കഫീല് ഖാനെ രാജ്യം അറിഞ്ഞത്. അന്ന് സ്വന്തം നിലയ്ക്ക് ഓക്സിജന് സിലിണ്ടറുകള് ആശുപത്രിയില് എത്തിച്ചാണ് അദ്ദേഹം രക്ഷാപ്രവര്ത്തനം നടത്തിയത്. എന്നാല് സംഭവത്തിന് പിന്നാലെ കഫീല് ഖാന് സസ്പെന്ഷനിലായ അദ്ദേഹം ഒൻപത് മാസത്തോളമാണ് ജയിലില് കഴിഞ്ഞത്.
https://ift.tt/2wVDrVv
This post have 0 komentar
EmoticonEmoticon