ബെയ്ജിംഗ്: ചൈനയില്‍ കുടുങ്ങിയ മലയാളി വിദ്യാര്‍ഥികളെ നാട്ടിലെത്തിക്കാന്‍ വിദേശകാര്യ മന്ത്രാലയം നടപടികള്‍ തുടങ്ങി. കൊറോണ ഭീതി മൂലം ചൈനയില്‍ നിന്നും നാട്ടിലേക്ക് മടങ്ങാന്‍ തിരിച്ച 17 അംഗ എംബിബിഎസ് വിദ്യാര്‍ഥി സംഘമാണ് കുനിംഗ് വിമാനത്താവളത്തില്‍ കുടുങ്ങിയത്.
സിംഗപ്പൂര്‍ വഴി നാട്ടിലേക്ക് വരാനായിരുന്നു ഇവര്‍ ടിക്കറ്റ് ബുക്ക് ചെയ്തിരുന്നത്. എന്നാല്‍ വിമാനത്താവളത്തില്‍ ചെക്കിന്‍ ചെയ്ത് ബോര്‍ഡിംഗ് പാസ് ലഭിച്ച ശേഷമാണ് ചൈനയില്‍ നിന്നുള്ള യാത്രക്കാര്‍ക്ക് സിംഗപ്പൂരില്‍ വിലക്കുള്ള കാര്യം വിദ്യാര്‍ഥികള്‍ അറിയുന്നത്. ഇതോടെ വിമാനത്താവളത്തില്‍ വിദ്യാര്‍ഥികള്‍ കുടുങ്ങുകയായിരുന്നു.
വിദ്യാര്‍ഥികളെ നാട്ടിലെത്തിക്കാനുള്ള നടപടികള്‍ സ്വീകരിക്കാന്‍ വിദേശകാര്യ മന്ത്രാലയം ചൈനയിലെ ഇന്ത്യന്‍ എംബസിക്ക് നിര്‍ദ്ദേശം നല്‍കി.
https://ift.tt/2wVDrVv
This post have 0 komentar
EmoticonEmoticon