ജനുവരി ഒന്നിന് നടത്താനിരിക്കുന്ന വനിതാ മതില്‍ കാസര്‍കോട് മുതല്‍ തിരുവനന്തപുരം വരെ. ഇടതുമുന്നണിയുടെ നേതൃത്വത്തില്‍ സംഘടിപ്പിക്കപ്പെടുന്ന വനിതാ മതിലിന് പിന്തുണയുമായി വന്നവര്‍.
വനിതാ മതിലിന് പിന്തുണയുമായി നടി സുഹാസിനി. - വനിതാ മതില്‍ കേരളത്തെ ഭ്രാന്താലയം ആക്കുന്നത് തടയാനാണെന്നും ഈ ഒത്തൊരുമയെ തടയാന്‍ ഒന്നിനും കഴിയില്ലെന്നും സുഹാസിനി പറഞ്ഞു.
സോഷ്യല്‍ മീഡിയയില്‍ പങ്കുവെച്ച വീഡിയോയിലൂടെയാണ് സുഹാസിനി പിന്തുണ അറിയിച്ചത്. ജനുവരി ഒന്നാം തിയ്യതി പുതുവത്സരം മാത്രമല്ലെന്നും വനിതാ മതില്‍ നിര്‍മ്മിക്കുന്ന ദിവസമാണെന്നും സുഹാസിനി വീഡിയോയില്‍ പറയുന്നു. സിമന്റ് കൊണ്ടോ ബ്രിക്‌സ് കൊണ്ടോ അല്ല വനിതാ മതില്‍ നിര്‍മ്മിക്കുന്നത്. കൈകള്‍ കോര്‍ത്ത് വനിതകളാണ്. കേരളത്തെ ഭ്രാന്താമാക്കാതിരിക്കുക എന്നതാണ് ഇതിന്റെ ലക്ഷ്യം. പുരുഷനും സ്ത്രീയും തമ്മില്‍ വ്യത്യാസമില്ലെന്നും എല്ലാവരും തുല്യരാണെന്നും മുഴുവന്‍ വനിതകളും ഇതില്‍ പങ്കെടുക്കണമെന്നും സുഹാസിനി പറഞ്ഞു.
വനിതാ മതിലിന് പിന്തുണയുമായി പ്രശസ്ത നടി ഉഷ.-തന്റെ ഔദ്യോഗിക ഫെയ്‌സ്ബുക്ക് പേജിലൂടെയാണ് നടി പിന്തുണയുമായി രംഗത്തെത്തിയത്.
വനിതാ മതിലിന്റെ ഫേസ്ബുക്ക് പേജില്‍ പിന്തുണ അറിയിച്ചുകൊണ്ട്-മഞ്ജു വാര്യര്‍ വീഡിയോ ഇടുകയായിരുന്നു.
നവോത്ഥാന മൂല്യങ്ങള്‍ സംരംക്ഷിക്കണമെന്നും സ്ത്രീ പുരുഷ സമത്വം അനിവാര്യമെന്നുമാണ് വീഡിയോയില്‍ മഞ്ജു വാര്യര്‍ പറയുന്നത്. കൂടാതെ കേരളം മുന്നോട്ട് പോകട്ടെയെന്നും താന്‍ വനിതാ മതിലിനൊപ്പമാണെന്നും വീഡിയോയില്‍ മഞ്ജു വാര്യര്‍ പറയുന്നു.
എന്നാല്‍ പിന്തുണകൊടുത്ത് മണിക്കൂറുകള്‍ കഴിയുന്നതിന് മുമ്പ് തന്നെ നടി ആ പിന്തുണ പിന്‍വലിക്കുകയും ചെയ്തു.
This post have 0 komentar
EmoticonEmoticon