കാസര്‍കോഡ്: കേരള കേന്ദ്രസര്‍വകലാശാലയില്‍ നിന്ന് സസ്‌പെന്‍ഡ് ചെയ്യപ്പെട്ട അധ്യാപകനെ തിരിച്ചെടുക്കണമെന്ന് ഹൈക്കോടതി. ഫേസ്ബുക്കില്‍ പോസ്റ്റിട്ടതിനാണ് അധ്യാപകനെ സര്‍വകലാശാലയില്‍ നിന്ന് പിരിച്ചെടുത്തത്. ഇംഗ്‌ളീഷ് താരതമ്യ സാഹിത്യ പഠന മേധാവിയായ ഡോ. പ്രസാദ് പന്ന്യനെയാണ് എത്രയും പെട്ടെന്ന് തിരികെ നിയമിക്കണമെന്ന് ഹൈക്കോടതി ഉത്തരവില്‍ വ്യക്തമാക്കിയുിരിക്കുന്നത്. സസ്‌പെന്‍ഷന്‍ നടപടിയ്‌ക്കെതിരെ ഡോ. പ്രസാദ് പന്ന്യന്‍ നല്‍കിയ ഹര്‍ജിയിലാണ് ഹൈക്കോടതിയുടെ ഈ നടപടി.
ഭാഷാശാസ്ത്ര വിഭാഗത്തിലെ ഗവേഷക വിദ്യാര്‍ത്ഥിയായ തെലുങ്കാന സ്വദേശി ഗന്തോട്ടി നാഗരാജുവിനെ അറസ്റ്റ് ചെയ്തതില്‍ വിമര്‍ശിച്ചാണ് ഡോ. പ്രസാദ് പന്ന്യന്‍ ഫേസ്ബുക്ക് പോസ്റ്റിട്ടത്. ഹോസ്റ്റലിലെ അഗ്‌നിശമന ഉപകരണത്തിന്റെ 200 രൂപ മാത്രം വില വരുന്ന ഗ്‌ളാസ് പൊട്ടിച്ച വിഷയം സര്‍വകലാശാലക്ക് അകത്ത് തന്നെ തീര്‍ക്കാവുന്നതാണെന്നാണ് ഡോ. പ്രസാദ് പോസ്റ്റില്‍ കുറിച്ചിരുന്നത്.ഈ പോസ്റ്റിനെതിരെ ഡോ.പ്രസാദ് പന്ന്യന്‍ മേധാവിയായ ഡിപ്പാര്‍ട്ട്‌മെന്റിലെ അസിസ്റ്റന്റ് പ്രൊഫസര്‍ ഡോ. വെള്ളിക്കീല്‍ രാഘവന്‍ നല്‍കിയ പരാതിയിലാണ് സര്‍വകലാശാല നടപടിയെടുത്തത്. സെപ്തംബര്‍ ഏഴാം തിയ്യതി ഡിപ്പാര്‍ട്ട്‌മെന്റ് മേധാവി സ്ഥാനത്ത് നിന്ന് ഇദ്ദേഹത്തെ സസ്‌പെന്‍ഡ് ചെയ്യുകയായിരുന്നു.
This post have 0 komentar
EmoticonEmoticon