കൊച്ചി: ചാലക്കുടി പുഴയ്ക്കു കുറുകെ മനുഷ്യമതില്‍ തീര്‍ത്ത് എറണാകുളം പുത്തന്‍വേലിക്കാരുടെ പ്രതിഷേധം. കുടിവെള്ള ക്ഷാമം പരിഹരിക്കാത്ത പഞ്ചായത്ത് അധികൃതര്‍ക്കെതിരെയാണ് പ്രതിഷേധം. ചാലക്കുടി പുഴയെ കുടിവെള്ളത്തിനായി ആശ്രയിക്കുന്നവരാണ് പ്രതിഷേധിച്ചത്.
കുടിവെള്ള സ്രോതസായ ചാലക്കുടിയാറിലേക്ക് കൊടുങ്ങല്ലൂര്‍ കായലില്‍ നിന്നുളള ഉപ്പുവെള്ളം കയറിയതോടെ കുടിവെള്ള പമ്പിങ് തടസപ്പെട്ടതാണ് കുടിവെള്ളക്ഷാമം രൂക്ഷമാക്കിയത്. ഉപ്പുവെള്ളം തടയുന്നതിനായി കോഴിത്തുരുത്ത്, എളന്തിക്കര പ്രദേശങ്ങളെ തമ്മില്‍ ബന്ധിപ്പിച്ച് ചാലക്കുടിയാറിനു കുറുകെ മണല്‍ ബണ്ട് നിര്‍മ്മിക്കാറുണ്ടായിരുന്നെങ്കിലും നിര്‍മാണം ഇക്കുറി വൈകിയതാണ് പ്രതിസന്ധിക്ക് കാരണമായത്.
ബണ്ടിന്റെ നിര്‍മാണം വേഗത്തിലാക്കാന്‍ പഞ്ചായത്ത് അധികൃതരോട് ആവശ്യപ്പെട്ടെങ്കിലും അധികൃതര്‍ കാര്യം പരിഗണിക്കാത്തതാണ് പുഴയ്ക്കു കുറുകെ മനുഷ്യമതില്‍ തീര്‍ക്കാന്‍ ഇവരെ പ്രേരിപ്പിച്ചത്.
http://bit.ly/2wVDrVv
This post have 0 komentar
EmoticonEmoticon