‘ഹനുമാന്റെ’ കാര്യത്തിൽ തീരുമാനമാകുന്നില്ല; ഹനുമാൻ കായിക താരമെന്ന് യു.പി മന്ത്രി

തീരുമാനമാകാതെ ഹനുമാൻ തർക്കം പുതിയ ഘട്ടത്തിലേക്ക്. ഹനുമാൻ കായിക താരമാണെന്നായാണ് ബിജെപിയുടെ യു.പി മന്ത്രിയും മുൻ ഇന്ത്യൻ ക്രിക്കറ്റ്​ താരവുമായ ചേതൻ ചൗഹാന്റെ കണ്ടെത്തൽ. ഇന്നും നിരവധി കായിക താരങ്ങൾ ആരാധിക്കുന്ന ഹനുമാ​ന്റെ ജാതി ചർച്ച ചെയ്യേണ്ടതില്ലെന്നും ചൗഹാൻ പറയുന്നു. നേരത്തെ, ഹനുമാനെ ദലിതനും മുസ്​ലീമും ജാട്ടുമാക്കി വിവിധ ബിജെപി നേതാക്കൾ രംഗത്തെത്തിയിരുന്നു. 

രാജസ്​ഥൻ നിയമസഭാ തെരഞ്ഞെടുപ്പ്​ പ്രചാരണത്തിനിടെയാണ്​ ഹനുമാൻ ദലിതനാണെന്ന്​ യു.പി മുഖ്യമന്ത്രി യോഗി ആദിത്യനാഥ്​ പറഞ്ഞത്​. അതിനു പിറകെ ഹനുമാനെ മുസ്​ലീമാക്കി മറ്റൊരു ബി.ജെ.പി നേതാവും രംഗത്തെത്തിയിരുന്നു.  

ശത്രുക്കളോട്​ മൽപിടുത്തം നടത്തിയ കായികതാരമാണ്​ ഹനുമാൻ എന്നാണ്​ തന്റെ വിശ്വാസമെന്നാണ് ചേതൻ ചൗഹാൻ പറഞ്ഞത്. മത്​സരങ്ങളിൽ വിജയിക്കാൻ ഹനുമാനെ പോലെ ശക്​തിയും ഉൗർജ്ജവും നൽകണമെന്ന്​ ഇൗ രാജ്യത്തെ കായിക താരങ്ങൾ ഇപ്പോഴും പ്രാർഥിക്കുന്നുണ്ട്​. ഹനുമാ​ന്റെ മതം നോക്കിയല്ല കായിക താരങ്ങൾ അദ്ദേഹത്തെ ആരാധിക്കുന്നത്​.

വിശുദ്ധർക്കും യോഗിക്കും മതമില്ലാത്തതു പോലെ ഹനുമാനിൽ വിശ്വസിക്കുന്നു. ഞാൻ ഹനുമാനെ ദൈവമായി കരുതുന്നു. ഒരു തരത്തിലുള്ള മതവുമായും അദ്ദേഹത്തെ ബന്ധിപ്പിക്കാൻ ആഗ്രഹിക്കുന്നില്ല. - ചൗഹാൻ പറഞ്ഞു. 

http://bit.ly/2wVDrVv