ലോകസഭാ തെരഞ്ഞെടുപ്പ് അടുത്തതോടെ തെരഞ്ഞെടുപ്പിനെ നേരിടാൻ തയ്യാറെടുത്ത് കേരളത്തിലെ കോൺഗ്രസ്. തെരഞ്ഞെടുപ്പ് തന്ത്രങ്ങൾ ഒരുക്കുന്നതിന്റെ ഭാഗമായി ദേശീയ അദ്ധ്യക്ഷൻ രാഹുൽ ഗാന്ധി കൊച്ചിയിലെത്തും. കേരളത്തിന്റെ നിലനിൽപ് തന്നെ നിർണയിക്കുന്നതാകും അടുത്ത ലോക്സഭാ തിരഞ്ഞെടുപ്പെന്ന് കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ പറഞ്ഞു. തെരഞ്ഞെടുപ്പില്‍ ജനങ്ങൾ കോൺഗ്രസിനെ പിന്തുണയ്ക്കുമെന്നും അദ്ദേഹം പറഞ്ഞു.
ഈ മാസം 29 ന് കൊച്ചിയിലെത്തുന്ന രാഹുൽ ഗാന്ധി ബൂത്ത് അദ്ധ്യക്ഷൻമാരുടെ യോഗത്തില്‍ രാഹുല്‍ പങ്കെടുക്കും. കെ.പി.സി.സി പുനഃസംഘടന ചർച്ച പൂർത്തിയായി. എഴുപത് ശതമാനത്തിലധികം ബൂത്തുകൾ പുന:സംഘടിപ്പിച്ചു. ബാക്കി ബൂത്തുകൾ ഉടൻ പുനഃസംഘടിപ്പിക്കും. അന്തിമ തീരുമാനം രാഹുൽ ഗാന്ധിയുടെ അനുമതിയോടെ നടപ്പിലാക്കും
കൊച്ചിയിലെത്തുന്ന രാഹുൽ ഗാന്ധി മുല്ലപ്പള്ളിയുടെ തെരഞ്ഞെടുപ്പ് പ്രചാരണ യാത്രയും ഉദ്ഘാടനം ചെയ്യും. അടുത്ത മാസം മൂന്ന് മുതൽ കാസർകോട് നിന്ന് തിരഞ്ഞെടുപ്പ് പ്രചാരണ യാത്ര തുടങ്ങുമെന്നും മുല്ലപ്പള്ളി പറഞ്ഞു.
കെപിസിസി ഡിജിറ്റൽ മീഡിയ സെല്ലിന്റെ കൺവീനർ അനിൽ ആൻറണി, സമൂഹമാധ്യമങ്ങളിലെ പാർട്ടി പ്രവർത്തകരുടെ ഇടപെടലിൽ അച്ചടക്കം ഉറപ്പാക്കും. ശബരിമല ലോക്സഭാ തിരഞ്ഞെടുപ്പിലെ പ്രധാന വിഷയമാകില്ലെന്നും മുല്ലപ്പള്ളി കൂട്ടിച്ചേര്‍ത്തു.
http://bit.ly/2wVDrVv
This post have 0 komentar
EmoticonEmoticon