ന്യൂഡല്‍ഹി:ശബരിമലയില്‍ യുവതികള്‍ ദര്‍ശനം നടത്തി മടങ്ങിയതില്‍ പിന്തുണയര്‍പ്പിച്ച് ബിജെപി എംപി ഉദിത് രാജ്. അവര്‍ ശബരിമലയില്‍ അയ്യപ്പ ദര്‍ശനം നടത്തിയതില്‍ ഞാന്‍ വളരെ സന്തോഷിക്കുന്നു. അതിനെതിരെയുള്ള പ്രതിഷേധവും വിവാദവും ഖേദകരമാണ്. എല്ലാ പുരുഷന്‍മാരും സ്ത്രീകളുടെ ഗര്‍ഭപാത്രത്തില്‍ ജനിച്ചവരാണെന്നും അദ്ദേഹം പറഞ്ഞു.
സതി, സ്ത്രീധനം പോലെ തന്നെയുള്ള ആചാരമായി മാത്രമേ ശബരിമലയില്‍ യുവതീപ്രവേശനം നിഷേധിക്കുന്നതിനെ കാണാനാകൂവെന്നും അദ്ദേഹം പറഞ്ഞു. ആദ്യമായിട്ടാണ് ശബരിമലയില്‍ യുവതികള്‍ക്ക് പിന്തുണ നല്‍കി കൊണ്ട് ഒരു ബിജെപി നേതാവ് പരസ്യമായി രംഗത്തെത്തുന്നത്. യുവതികളെ ശബരിമലയില്‍ പ്രവേശിപ്പിച്ചതില്‍ പ്രതിഷേധിച്ച് കേരളത്തില്‍ ബിജെപി പ്രവര്‍ത്തകര്‍ വ്യാപക പ്രതിഷേധം നടത്തുന്നതിനിടെയാണ് പാര്‍ട്ടി എംപിയുടെ പ്രതികരണം.
http://bit.ly/2wVDrVv
This post have 0 komentar
EmoticonEmoticon