ദുബൈ റോഡ് ട്രാന്‍സ്പോര്‍ട്ട് അതോരിറ്റി ദുബൈയില്‍ നിന്ന് മസ്ക്കറ്റിലേക്ക് ബസ് സര്‍വീസ് ആരംഭിച്ചു. ദിവസം മൂന്ന് ബസുകളാണ് ദുബൈ - മസ്കത്ത് റൂട്ടില്‍ സര്‍വീസ് നടത്തുക. രാവിലെ ഏഴര, വൈകുന്നേരം മൂന്നര, രാത്രി 11 എന്നീ സമയങ്ങളിലാണ് മസ്കത്തിലേക്ക് ബസ് യാത്ര തിരിക്കുക. ദുബൈയില്‍ നിന്ന് ആറ് മണിക്കൂര്‍ കൊണ്ട് മസ്കത്തിലെത്താം.
അബൂഹൈല്‍ മെട്രോ സ്റ്റേഷന്‍, ദുബൈ എയര്‍പോര്‍ട്ട് ടെര്‍മിനല്‍ രണ്ട്, റാശിദിയ മെട്രോ സ്റ്റേഷന്‍ എന്നിവിടങ്ങളില്‍ നിന്ന് യാത്രക്കാരെ ലക്‌ഷ്യം വെച്ചാണ് ബസ് സര്‍വീസ്.
വജാജ അതിര്‍ത്തി വഴി ഒമാനില്‍ പ്രവേശിക്കുന്ന ബസ് 11 സ്റ്റോപ്പുകളില്‍ ആളെ ഇറക്കും. ഷിനാസ്, സൊഹാര്‍, സഹം, ഖാബൂറ, സുവൈഖ്, മുസന്ന, ബര്‍ഖ, മബേല, സഹ്‍വ ടവര്‍, മസ്കത്ത് എയര്‍പോര്‍ട്ട്, അസൈബ സ്റ്റേഷന്‍ എന്നിവയാണ് സ്റ്റോപ്പുകള്‍.
മസ്കത്തിലേക്ക് 55 ദിര്‍ഹമാണ് നിരക്ക്. പോയിവരാനുള്ള ടിക്കറ്റിന് 90 ദിര്‍ഹം ഈടാക്കും. വൈഫൈ ഇന്റര്‍നെറ്റ് സംവിധാനമുള്ള ബസുകളില്‍ 50 പേര്‍ക്ക് ഒരേ സമയം യാത്രചെയ്യാം.
This post have 0 komentar
EmoticonEmoticon