കൊച്ചി: ലോക്സഭാ തെരഞ്ഞെടുപ്പിന്‍റെ മുന്നൊരുക്കമായി സിപിഐ എമ്മിന്‍റെ നേതൃത്വത്തില്‍ കൊച്ചിയില്‍ സംഘടിപ്പിക്കുന്ന ജനകീയ ഉച്ചകോടിക്ക് നാളെ തുടക്കമാകും. മോദി സര്‍ക്കാരിന്‍റെ ക‍ഴിഞ്ഞ 5 വര്‍ഷത്തെ ഭരണത്തെസംബന്ധിച്ച്‌ വിശദമായ ചര്‍ച്ചകള്‍ക്ക് ഉച്ചകോടി വേദിയാകും.
സിപിഐഎം ജനറല്‍ സെക്രട്ടറി സീതാറാം യെച്ചൂരിയാണ് രണ്ട് ദിവസം നീളുന്ന ഉച്ചകോടിയുടെ ഉദ്ഘാടനം നിര്‍വ്വഹിക്കുക. മറ്റന്നാള്‍ വൈകീട്ട് നടക്കുന്ന സമാപന സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.
ലോക്സഭാ തെരഞ്ഞെടുപ്പില്‍ എല്‍ഡിഎഫിന് ന് മികച്ച വിജയം ലക്ഷ്യമിട്ടുള്ള പ്രവര്‍ത്തന പദ്ധതികള്‍ക്ക് തുടക്കമിടുന്നതിന്‍റെ ഭാഗമായാണ് ദ്വിദിന ഉച്ചകോടി സംഘടിപ്പിക്കുന്നത്.
വിവിധ മേഖലകളില്‍ നിന്നുള്ള ആയിരം പ്രതിനിധികളാണ് ജനകീയ ഉച്ചകോടിയില്‍ പങ്കെടുക്കുകയെന്ന് സിപിഐഎം എറണാകുളം ജില്ലാ സെക്രട്ടറി സി എന്‍ മോഹനന്‍ പറഞ്ഞു.
http://bit.ly/2wVDrVv
This post have 0 komentar
EmoticonEmoticon