ഇന്ത്യന്‍ സൂപ്പര്‍ ലീഗില്‍ ചരിത്രമെഴുതാന്‍ സുനില്‍ ഛേത്രി ഒരുങ്ങുകയാണ്. ബെംഗളൂരു എഫ്സി ക്യാപ്റ്റന്‍ സുനില്‍ ഛേത്രിയാണ് മത്സരത്തില്‍ വിജയക്കൊടിപ്പാറിച്ച് ചരിത്രം കുറിക്കാന്‍ ഒരുങ്ങുന്നത്. ഛേത്രിയുടെ 50 ആം ഇന്ത്യന്‍ സൂപ്പര്‍ ലീഗ് മത്സരമാണ് ഇന്ന് മുംബൈ സിറ്റിക്കെതിരെ നടക്കുന്നത്. ബെംഗളൂരുവിനോടൊപ്പം അഞ്ച് വര്‍ഷത്തിലേറെയായി ഛേത്രിയുണ്ട്. മാത്രമല്ല, ഇന്ത്യക്കായി ഏറ്റവും കൂടുതല്‍ അന്താരാഷ്ട്ര ഫുട്‌ബോള്‍ മത്സരങ്ങള്‍ കളിച്ച താരമാണ് സുനില്‍ ഛേത്രി. ഇതിനെല്ലാം പുറമെ,ഇന്ത്യക്കായി 67 ഗോളുകളും ഛേത്രി നേടിയിട്ടുണ്ട്.
അതായത്, ഐ ലീഗില്‍ വിജയക്കൊടി പാറിച്ചതിനു ശേഷമാണ് ഇന്ത്യന്‍ സൂപ്പര്‍ ലീഗില്‍ ബെംഗളൂരു എത്തുന്നത്.ഇന്ത്യന്‍ സൂപ്പര്‍ ലീഗില്‍ 2017-18 സീസണിലാണ് ബെംഗളൂരു ആദ്യമായി ഇറങ്ങിയത്. അന്നും ബെംഗളൂരുവിലെ മുന്നില്‍ നിന്നും നയിക്കാന്‍ ക്യാപ്റ്റന്‍ ഛേത്രിയുണ്ടായിരുന്നു. ചെന്നെയിന്‍ എഫ്സിയോട് കിരീടം അടിയറവ് പറഞ്ഞെങ്കിലും മികച്ച പ്രകടനവുമായി ബെംഗളൂരു വരവറിയിച്ചു. 14 ഗോളുകളാണ് കഴിഞ്ഞ സീസണില്‍ ഛേത്രി അടിച്ചത്.
This post have 0 komentar
EmoticonEmoticon