'കുമ്പളങ്ങി നൈറ്റ്സ്' സിനിമ കണ്ട ആരും ആ പഴകിയ, ആ പഞ്ചായത്തിലെ ഏറ്റവും മോശം വീടെന്ന് ഫ്രാങ്കി വിശേഷിപ്പിക്കുന്ന വീടും പരിസരവും മറക്കാനിടയില്ല. ചിലരെങ്കിലും ആ വീട് അവിടെത്തന്നെയുള്ളതാണോ എന്ന് ചിന്തിച്ചിട്ടുണ്ടാകും. എന്നാൽ ആ വീടിൻ്റെ പിന്നിലെ ചില കഥകൾ വെളിപ്പെടുത്തി കലാസംവിധായക ടീം അംഗം രംഗത്തെത്തിയിരിക്കുകയാണ്.
ആ വീടു കൂടി ചേരുമ്പോഴാണ് ചിത്രത്തിൻ്റെ പൂര്‍ണത കൈവരുന്നത്. ചിത്രത്തിലെ ആർട്ട് ഡയറക്ഷൻ ടീമിൻ്റെ മികവാണ് അവിടെ വെളിപ്പെടുന്നത്. തൊണ്ടി മുതലും ദൃക്‌സാക്ഷിയും പോലുള്ള മികച്ച സിനിമകൾക്ക് ആര്‍ട്ട് ഒരുക്കിയ ജ്യോതിഷ് ശങ്കർ ആണ് കുമ്പളങ്ങി നൈറ്റ്സിനായും കലാ സംവിധാനം ചെയ്തിരിക്കുന്നത്.
ജ്യോതിഷിൻ്റെ കീഴിലുള്ള ടീമിൻ്റെ കഠിന പരിശ്രമത്തിൻ്റെ ഫലമാണ് ചിത്രത്തിലെ നെപ്പോളിയൻ്റെ മക്കളുടെ പണി തീരാത്ത വീട്. വീടിന് കാലാധിക്യം തോന്നാൻ കൃത്രിമമായി പൂപ്പൽ വരെ കലാസംവിധാനം ചേര്‍ത്തിരുന്നു. ഇതിനെ പറ്റി ജ്യോതിഷിൻ്റെ സഹായികളിൽ ഒരാളായ പ്രശാന്ത് അമരവിള ഒരു കുറിപ്പ് ഫേസ്ബുക്കിൽ കുറിച്ചപ്പോഴാണ് പ്രേക്ഷകര്‍ ഇക്കാര്യം അറിയുന്നത്. ചിത്രങ്ങളും ഫേസ്ബുക്കിൽ പങ്കുവെച്ചിട്ടുണ്ട്.
ഒരുപാട് നാളത്തെ സൂഷ്മ നിരീക്ഷണത്തിനൊടുവിലാണ് കലാസംവിധായകൻ ജ്യോതിഷ് ശങ്കര്‍ ആ വീടിനു ഒരൽപ്പം പെയിൻ്റ് പോലും തൂക്കാതെ വർഷങ്ങളോളം പഴക്കമുള്ളതാക്കിയത്. ഓരോ ദിവസവും ഹൗസ് ഫുള്ളോടു കൂടി പടം ഓടുമ്പഴും ഓരോത്തരും നല്ല സിനിമയാണെന്ന് പറഞ്ഞു കേക്കുമ്പോഴും മനസ്സിൽ പറഞ്ഞറിയിക്കാൻ പറ്റാത്ത സന്തോഷമാണ്. പ്രശാന്ത് കുറിച്ചു
പ്രശാന്ത് അമരവിളയുടെ ഫേസ്ബുക്ക് കുറിപ്പിൻ്റെ പൂര്‍ണരൂപം കാണാം
അല്പമൊന്നുമല്ല ഞങ്ങൾ കുമ്പളങ്ങി നൈറ്റ്സ് എന്ന സിനിമക്ക് വേണ്ടി കഷ്ട്ടപെട്ടത് . സിനിമയിൽ കാണുന്ന ആ മനോഹരമായ വീട് ഉള്ളതല്ല ഉണ്ടാക്കിയതാണ് . ആ വീടിൻ്റെ ഭിത്തിയിൽ പറ്റിപ്പിടിച്ചിരിക്കുന്ന പൂപ്പൽപോലും ഉണ്ടാക്കിയതാണെന്ന് പറഞ്ഞാൽ ആർക്കും വിശ്വസിക്കാനാവില്ല .ഒരുപാട് നാളത്തെ സൂഷ്മ നിരീക്ഷണത്തിനൊടുവിലാണ് (Art Director) Jothish Shankar ആ വീടിനു ഒരൽപ്പം പെയിൻ്റ് പോലും തൂക്കാതെ വർഷങ്ങളോളം പഴക്കമുള്ളതാക്കിയത്. ഓരോ ദിവസവും ഹൗസ് ഫുള്ളോടു കൂടി പടം ഓടുമ്പഴും ഓരോത്തരും നല്ല സിനിമയാണെന്ന് പറഞ്ഞു കേക്കുമ്പോഴും മനസ്സിൽ പറഞ്ഞറിയിക്കാൻ പറ്റാത്ത സന്തോഷമാണ്.
This post have 0 komentar
EmoticonEmoticon