ന്യൂദല്‍ഹി: നൈഷ്ഠിക ബ്രഹ്മചര്യം എന്നാല്‍ എതിര്‍ലിംഗത്തില്‍പ്പെട്ടവരില്‍ നിന്ന് മാറി നില്‍ക്കണമെന്ന് പന്തളം കുടുംബം സുപ്രീം കോടതിയില്‍. പ്രതിഷ്ഠയുടെ നൈഷ്ഠിക ബ്രഹ്മചര്യം വിശ്വാസത്തിന്റെ ഭാഗമായാണെന്നും പന്തളം കൊട്ടാരത്തിനുവേണ്ടി സായ് ദീപക് കോടതിയില്‍ പറഞ്ഞു.
ശബരിമലയില്‍ യുവതീ പ്രവേശനം അനുവദിച്ചുകൊണ്ടുള്ള പുനപരിശോധനാ ഹരജികള്‍ പരിഗണിക്കവേയാണ് സായ് ദീപക് കോടതിയില്‍ ഇക്കാര്യം പറഞ്ഞത്.
അതിനിടെ, ഹരജികളില്‍ എത്രയും പെട്ടെന്ന് വാദം പൂര്‍ത്തിയാക്കണമെന്ന ചീഫ് ജസ്റ്റിസിന്റെ നിര്‍ദേശം കോടതിയില്‍ ബഹളത്തില്‍ കലാശിച്ചു. വാദിക്കാനായി അവസരം തേടി അഭിഭാഷകര്‍ ബഹളം വെക്കുകയായിരുന്നു.
വാദിക്കാന്‍ അവസരം തേടി ഫയല്‍ താഴേക്ക് ഇട്ട് മാത്യൂസ് നെടുമ്പാറയോട് ഇരിക്കാന്‍ കോടതി നിര്‍ദേശിച്ചു. കോടതിയില്‍ നേരായി പെരുമാറിയില്ലെങ്കില്‍ കോടതിയലക്ഷ്യ നടപടി എടുക്കുമെന്ന് മറ്റൊരു അഭിഭാഷകന് കോടതി നിര്‍ദേശം നല്‍കുകയും ചെയ്തു.
This post have 0 komentar
EmoticonEmoticon