ന്യൂഡല്‍ഹി: ബിജെപി രംഗത്തിറക്കിയ നമോ ആപ്പ് വ്യാജ വാര്‍ത്തകള്‍ പ്രചരിപ്പിക്കുന്നതായി കണ്ടെത്തല്‍. പ്രധാനമന്ത്രി നരേന്ദ്ര മോഡിയുടെ ജനപ്രീതി വര്‍ധിപ്പിക്കാനായി നിര്‍മ്മിച്ച ആപ്പാണ് നമോ ആപ്പ്. ലോക്‌സഭാ തെരഞ്ഞെടുപ്പിന് മാസങ്ങള്‍ മാത്രം ബാക്കി നില്‍ക്കെയാണ് പ്രതിപക്ഷ കക്ഷികളെയും നേതാക്കന്മാരെയും ദേശദ്രോഹികളാക്കി കാണിച്ച് പ്രധാനമന്ത്രിയുടെ പേരിലുള്ള 'ആപ്പ്' വ്യാജ വാര്‍ത്ത പ്രചരിപ്പിക്കുന്നതെന്ന് മാധ്യമപ്രവര്‍ത്തകനായ സമ്രത് ബന്‍സാല്‍ കണ്ടെത്തിയതായി 'സ്‌ക്രോള്‍.ഇന്‍' റിപ്പോര്‍ട്ട് ചെയ്യുന്നു.
ആപ്പിലെ 'മൈ നെറ്റ് വര്‍ക്ക്' എന്ന ഭാഗത്താണ് വ്യാപകമായി വ്യാജ വാര്‍ത്തകള്‍ പ്രചരിപ്പിക്കുന്നത്.നമോ ആപ്പ് ഉപയോഗിക്കുന്നവരുടെ വിവരങ്ങള്‍ ചോര്‍ത്തുന്നുവെന്ന് പ്രതിപക്ഷ പാര്‍ട്ടികളടക്കം ആരോപിക്കവെയാണ് വ്യാജ വാര്‍ത്തകള്‍ പ്രചരിപ്പിക്കുന്നതെന്ന കണ്ടെത്തല്‍.
മൈ നെറ്റ് വര്‍ക്ക്' എന്ന സെക്ഷനില്‍ 15 വേരിഫൈഡ് അക്കൗണ്ടുകളുണ്ട്. ഇവയെ ബ്ലോക്ക് ചെയ്യാനോ ഇവര്‍ പുറത്തു വിടുന്ന പോസ്റ്റുകള്‍ ഒഴിവാക്കാനോ കഴിയില്ല. ഇതിലൊന്നായ 'ദ ഇന്ത്യന്‍ ഐ' ആണ് വ്യാജ വാര്‍ത്തകളുടെ പ്രധാന ഉറവിടമെന്നും ഈ അക്കൗണ്ട് അണ്‍ഫോളോ ചെയ്താലും പോസ്റ്റുകള്‍ വന്നുകൊണ്ടിരിക്കുമെന്നും ബന്‍സാല്‍ റിപ്പോര്‍ട്ട് ചെയ്യുന്നു. പ്രതിപക്ഷ പാര്‍ട്ടികളെയും നേതാക്കന്മാരെയും ലക്ഷ്യം വച്ചുകൊണ്ടാണ് വ്യാജ വാര്‍ത്തകള്‍ പ്രചരിപ്പിക്കുന്നത്.
http://bit.ly/2wVDrVv
This post have 0 komentar
EmoticonEmoticon