പി.എം നരേന്ദ്രമോദി എന്ന സിനിമയുടെ നിര്‍മാതാക്കള്‍ തെരഞ്ഞെടുപ്പ് കമ്മീഷന് വിശദീകരണം നല്‍കി. നിര്‍മാതാവ് സന്ദീപ് സിങും നടന്‍ വിവേക് ഒബ്‌റോയിയും തെരഞ്ഞെടുപ്പ് കമ്മീഷന് ഓഫീസിലെത്തിയാണ് വിശദീകരണം നല്‍കിയത്.
മാതൃകാ പെരുമാറ്റച്ചട്ടത്തിന്റെ ലംഘനമല്ലെന്ന വിശദീകരണമാണ് നല്‍കിയിരിക്കുന്നത്.
സിനിമ രാഷ്ട്രീയ പ്രേരിതമാണെന്നും സിനിമയുടെ പ്രദര്‍ശന തീയതി മാറ്റണമെന്നും കാണിച്ച് കോണ്‍ഗ്രസ് നേതാക്കള്‍ നേരത്തെ കമ്മീഷന് പരാതി നല്‍കിയിരുന്നു. കോൺഗ്രസ് നേതാക്കളായ കപിൽ സിബൽ, അഭിഷേക് മനു സിങ്‍വി, രണ്‍ദീപ് സിങ് സുര്‍ജെവാല എന്നിവരാണ് തെരഞ്ഞെടുപ്പ് കമ്മീഷന് പരാതി നൽകിയത്.
ചിത്രത്തിൻറ ഉള്ളടക്കവും പ്രദർശിപ്പിക്കുന്ന സമയവും പ്രേരണയും രാഷ്ട്രീയ പ്രേരിതമാണെന്നും ഇതൊരു കലാസൃഷ്ടി മാത്രമായി കാണാനാകില്ലെന്നും പരാതി നൽകിയ കോൺഗ്രസ് നേതാവ് കപിൽ സിബൽ പറഞ്ഞു. ചലച്ചിത്രത്തിന്‍റെ പിന്നണി പ്രവര്‍‍ത്തകരെല്ലാം ബി.ജെ.പി ബന്ധമുള്ളവരാണെന്നും കോണ്‍ഗ്രസ് ആരോപിച്ചു.
https://ift.tt/2wVDrVv
This post have 0 komentar
EmoticonEmoticon