ചന്ദ്രയാന്‍ രണ്ട് വിക്ഷേപിക്കാനൊരുങ്ങി ഐഎസ്ആര്‍ഒ. ജൂലൈ ഒമ്പതിനും 16നും ഇടയില്‍ വിക്ഷേപിച്ചേക്കുമെന്ന് ഐഎസ്ആര്‍ഒ വ്യക്തമാക്കി. ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററില്‍നിന്നും ജിഎസ്എല്‍വി എംകെ 3 റോക്കറ്റിലായിരിക്കും ഉപഗ്രഹം വിക്ഷേപിക്കുക.
മിഷന് ആവശ്യമായ ഓര്‍ബിറ്റര്‍, ലാന്‍ഡര്‍, റോവര്‍ തുടങ്ങിയ സംവിധാനങ്ങള്‍ ജുലൈയില്‍ തയ്യാറാകുമെന്നും ഐഎസ്ആര്‍ഒ വ്യക്തമാക്കി. സെപ്തംബര്‍ 2ന് ചന്ദ്രയാന്‍ രണ്ട് ചന്ദ്രനിലെത്തുമെന്നാണ് ഐഎസ്ആര്‍ഒയുടെ കണക്കുകൂട്ടല്‍. മൂന്നുതവണയാണ് ചന്ദ്രയാന്റെ വിക്ഷേപണം ഐഎസ്ആര്‍ഒ മാറ്റിവെച്ചത്.
800 കോടി മുടക്കിയാണ് ചന്ദ്രോപരിതല പഠനത്തിനായി ചന്ദ്രയാന്‍ രണ്ട് തയ്യാറാക്കിയത്. ചന്ദ്രനിലെ മണ്ണിന്റെ സ്വഭാവം പഠിക്കുകയാണ് ലക്ഷ്യം. 2008ലാണ് ചന്ദ്രയാന്‍ ഒന്ന് ഐഎസ്ആര്‍ഒ വിക്ഷേപിച്ചത്. ചന്ദ്രന്റെ ഭൌമശാസ്ത്രപരമായ പ്രത്യേകതകളെപ്പറ്റി പഠിക്കുകയായിരുന്നു ചന്ദ്രയാന്‍ ഒന്നിന്റെ ലക്ഷ്യം.
ഇന്ത്യയുടെ ചന്ദ്രപേടകവും റഷ്യയുടെ ലാന്റ് റോവറും അടങ്ങുന്നതാണ് ചന്ദ്രയാന്‍ രണ്ട്. പേടകം ചന്ദ്രനുമുകളിലുള്ള സഞ്ചാരപഥത്തിലെത്തുമ്പോള്‍ ചന്ദ്രയാന്‍ രണ്ട് പേടകത്തില്‍നിന്നും വേര്‍പെടുകയും ചന്ദ്രനില്‍ ഇറങ്ങുകയും ചെയ്യും.
http://bit.ly/2wVDrVv
This post have 0 komentar
EmoticonEmoticon