കൊച്ചി: പറവൂര്‍ വഴിക്കുളങ്ങരയിലെ ശാന്തിവനത്തിലെ വൈദ്യുതി ടവര്‍ നിര്‍മ്മാണം സ്‌റ്റേ ചെയ്യണമെന്ന ഭൂവുടമയുടെ ആവശ്യം ഹൈക്കോടതി തള്ളി. കേസിലെ എതിര്‍കക്ഷികളായ കേന്ദ്ര-സംസ്ഥാനസര്‍ക്കാരുകള്‍ക്കും കെഎസ്‌ഇബി അടക്കമുള്ള എതിര്‍കക്ഷികള്‍ക്കും നോട്ടീസ് അയച്ച കോടതി കേസ് വേനലവധിക്കു ശേഷം വീണ്ടും പരിഗണിക്കുമെന്ന് കോടതി വ്യക്തമാക്കി.
വൈദ്യുതി ടവര്‍ നിര്‍മാണം തടയണമെന്നും ലൈന്‍ വഴി മാറ്റി വിടണമെന്നുമാണ് ഭൂവുടമയായ മീനാ മേനോന്‍ ഹര്‍ജിയില്‍ ആവശ്യപ്പെടുന്നത്. ഹര്‍ജി തീര്‍പ്പാവും വരെ നിര്‍മാണം തടയണമെന്നും ഹര്‍ജിക്കാരി ആവശ്യപ്പെട്ടു.
സമാനമായ ആവശ്യമുന്നയിച്ച്‌ നേരത്തെ നല്‍കിയ ഹര്‍ജി സിംഗിള്‍ബെഞ്ച് തള്ളിയിരുന്നതായി കോടതി ചൂണ്ടിക്കാട്ടി. എന്നിട്ടും എന്തിനാണ് വീണ്ടും ഹര്‍ജി ഫയല്‍ ചെയ്തത്. സിംഗിള്‍ബെഞ്ച് വിധിയില്‍ അതൃപ്തിയുണ്ടെങ്കില്‍ അപ്പീല്‍ നല്‍കുകയായിരുന്നില്ലേ വേണ്ടതെന്നും കോടതി ചോദിച്ചു.
http://bit.ly/2wVDrVv
This post have 0 komentar
EmoticonEmoticon