ബോംബെ : പീഡനക്കേസിൽ ബിനോയ് കോടിയേരിയുടെ ഡിഎൻഎ പരിശോധന ഇന്ന്. രാവിലെ ഓഷിവാര പൊലീസ് സ്റ്റേഷനിൽ എത്തുന്ന ബിനോയിയെ ജുഹുവിലെ 'കൂപ്പർ' ജനറൽ ആശുപത്രിയിൽ എത്തിച്ചാകും രക്തസാംപിൾ എടുക്കുക. മുംബൈ കലീനയിലെ ഫോറൻസിക് ലാബിലാണ് ഡിഎൻഎ പരിശോധന. യുവതിയുടെ മെഡിക്കൽ പരിശോധന ഇതിനോടകം പൂർത്തിയായിരുന്നു.
കേസിൽ എഫ്ഐആർ റദ്ദാക്കണമെന്നാവശ്യപ്പെട്ട് ബിനോയ് നൽകിയ ഹർജി പരിഗണിക്കവേ ബോംബെ ഹൈക്കോടതിയാണ് ഇന്ന് ഡിഎൻഎ പരിശോധന നടത്താൻ നിർദ്ദേശിച്ചത്. സമ്മതമറിയിച്ച ബിനോയ് പൊലീസിൽനിന്ന് നോട്ടീസ് കൈപ്പറ്റി. ഡിഎൻഎ പരിശോധനാ ഫലം മുദ്രവെച്ച കവറിൽ രണ്ടാഴ്ച്ചയ്ക്കകം ഹൈക്കോടതി റജിസ്ട്രാർക്കു കൈമാറാനാണ് ഡിവിഷൻ ബെഞ്ചിന്റെ നിർദ്ദേശം. ഇതുപരിഗണിച്ച ശേഷമാകും എഫ്ഐആർ റദ്ദാക്കാൻ ആവശ്യപ്പെട്ടുള്ള ബിനോയിയുടെ ഹർജിയിലെ കോടതി തീരുമാനം .
This post have 0 komentar
EmoticonEmoticon