തിരുവനന്തപുരം : യൂണിവേഴ്സിറ്റി കൊളജ് സമരത്തിലെ കെ.എസ്.യു പ്രവർത്തകരെ അടിച്ചാൽ പൊലീസിനെ തിരിച്ചടിക്കുമെന്ന ഭീഷണിയുമായി കെ.സുധാകരൻ എം.പി. ഇടത് മുന്നണി കൺവീനർ എ.വിജയരാഘവൻ വിവരമില്ലാത്തയാളെന്നും പരിഹസിച്ചു . കെഎസ്‌യു പ്രവർത്തകരെ തിരഞ്ഞു പിടിച്ച് അടിക്കുകയാണ് ചില പൊലീസുകാർ ചെയ്യുന്നത്. ഭരണം മാറി വരുമെന്നു ഓർക്കണം. ഭരണം മാറിയാലും ഇല്ലെങ്കിലും കെഎസ്‌യു പ്രവർത്തകരെ തൊട്ടാൽ അതിന്റെ ഭവിഷ്യത്ത് അനുഭവിക്കേണ്ടി വരും. കാക്കി ഇട്ടാൽ നിങ്ങൾ പൊലീസാണ്, കാക്കി ഊരിയാൽ വെറും മനുഷ്യരാണ്.
കൈകാര്യം ചെയ്യാൻ കെൽപ്പുള്ള ചുണക്കുട്ടികൾ കെഎസ്‌യുവിൽ ഉണ്ട്. അതിനുള്ള സാഹചര്യം പൊലീസ് ഉണ്ടാക്കരുതെന്നും കെ. സുധാകരൻ തിരുവനന്തപുരത്ത് പറഞ്ഞു. സെക്രട്ടേറിയറ്റിൽ കടന്ന് കയറിയും വി.സിയെ തടഞ്ഞു മുഖ്യമന്ത്രിയുടെ വസതി ഉപരോധിച്ചും സമരം നടത്തിയവരെ രാഷ്ട്രീയ പ്രേരിതമായി പൊലീസ് കൈകാര്യം ചെയ്തെന്ന് ആരോപിച്ചാണ് സമരപന്തലിലെത്തിയ കെ.സുധാകരന്റെ താക്കീത്. കെ.എസ്.യു സമരത്തെ പരിഹസിച്ച എൽ.ഡി.എഫ് കൺവീനറുടെ വായടപ്പിക്കുമെന്നും വെല്ലുവിളിച്ചു.
This post have 0 komentar
EmoticonEmoticon