തിരുവനന്തപുരം: മുന്‍ മന്ത്രി തോമസ് ചാണ്ടിയെ സഹായിച്ചു സംസ്ഥാന സര്‍ക്കാര്‍. ലേക് പാലസ് റിസോര്‍ട്ടിലെ അനധികൃത കെട്ടിടങ്ങള്‍ക്ക് പിഴ ചുമത്തിയ ആലപ്പുഴ നഗരസഭയുടെ തീരുമാനം സംസ്ഥാന സര്‍ക്കാര്‍ തള്ളി.പിഴ വെട്ടിക്കുറയ്ക്കണമെന്ന സര്‍ക്കാര്‍ നിര്‍ദ്ദേശത്തിന് അനുകൂലമായ നടപടി സ്വീകരിക്കണമെന്നാണ് ഉത്തരവില്‍ പറയുന്നത്. അഡിഷണല്‍ ചീഫ് സെക്രട്ടറിയാണ് ഇതു സംബന്ധിച്ച ഉത്തരവിറക്കിയത്.
1.17 കോടി രൂപയാണ് ആലപ്പുഴ നഗരസഭ ചട്ടലംഘനത്തിന്‍റെ പേരില്‍ ലേക് പാലസ് റിസോര്‍ട്ടിന് നികുതിയും പിഴയും ഉള്‍പ്പെടുത്തി ചുമത്തിയത്. ഇതിനെതിരെ സംസ്ഥാന സര്‍ക്കാരിന് തോമസ് ചാണ്ടിയുടെ കമ്പനി അപ്പീല്‍ നല്‍കിയിരുന്നു . 34 ലക്ഷം രൂപയായി സര്‍ക്കാര്‍ പിഴത്തുക വെട്ടിക്കുറച്ചു. ഇത് അംഗീകരിക്കാനാവില്ലെന്നും സര്‍ക്കാര്‍ തീരുമാനം നഗരസഭയുടെ അധികാരത്തിലുള്ള കൈകടത്തലാണെന്നും നഗരസഭ കൗണ്‍സില്‍ നിലപാടെടുത്തു. ഇതിനെത്തുടര്‍ന്നാണ് തോമസ് ചാണ്ടിക്ക് അനുകൂലമായ തീരുമാനം വീണ്ടും സര്‍ക്കാരിന്‍റെ ഭാഗത്തുനിന്നുണ്ടായിരിക്കുന്നത്.
This post have 0 komentar
EmoticonEmoticon