ന്യൂഡൽഹി: സോണിയാഗാന്ധി, രാഹുല്‍ഗാന്ധി, പ്രിയങ്ക ഗാന്ധി എന്നിവർ ഒരുമിച്ചിറങ്ങുന്ന കോൺഗ്രസ് പ്രതിഷേധം ഇന്ന് നടക്കും. രാജ്ഘട്ടിൽ നിന്നാണ് കോൺഗ്രസ് പ്രതിഷേധം തുടങ്ങുക. പൗരത്വ നിയമഭേദഗതിക്കെതിരായ പ്രതിഷേധത്തിൽ ശക്തമായ സാന്നിധ്യമാവാനുള്ള തയ്യാറെടുപ്പിലാണ് കോണ്‍ഗ്രസ്. ഉച്ചക്ക് മൂന്ന് മണി മുതൽ രാത്രി എട്ട് വരെയാണ് സമരം.
പ്രതിഷേധ പരിപാടികള്‍ സംഘടിപ്പിക്കാന്‍ സംസ്ഥാന ഘടകങ്ങള്‍ക്കും കഴിഞ്ഞ ദിവസം ഡൽഹിയിൽ ചേര്‍ന്ന കോൺഗ്രസ് യോഗം നിർദേശം നൽകിയിരുന്നു. കേരളം ഉൾപ്പെടെ വിവിധ സംസ്ഥാനങ്ങളിൽ കോൺഗ്രസ് നിലവിൽ പ്രതിഷേധം തുടരുന്നുണ്ട്. പ്രിയങ്കാ ഗാന്ധി നേരത്തെ മുതൽ ഡൽഹിയിലെ പ്രതിഷേധ പരിപാടികളിൽ സജീവമാണ്.
സോണിയ ഗാന്ധിയും ശക്തമായ പ്രതിഷേധം അറിയിച്ചിട്ടുണ്ട്. രാഹുൽ ഗാന്ധി കൂടി ഡൽഹിയുടെ തെരുവുകളിലേക്ക് ഇറങ്ങുമ്പോൾ ഡൽഹിയിൽ നടന്ന് വരുന്ന പ്രതിഷേധം കൂടുതൽ ശക്തമാകും.
https://ift.tt/2wVDrVv
This post have 0 komentar
EmoticonEmoticon