ന്യൂഡൽഹി: രാജ്യത്തെ നടുക്കിയ ഡല്‍ഹി കലാപത്തില്‍ അതിരൂക്ഷ വിമര്‍ശനങ്ങളുമായി കോണ്‍ഗ്രസ് പ്രവര്‍ത്തക സമിതി. ഡല്‍ഹി കലാപം ബിജെപി സൃഷ്ടിച്ച വെറുപ്പിന്റെ ഫലമെന്ന് പാര്‍ട്ടി അധ്യക്ഷ സോണിയ ഗാന്ധി തുറന്നടിച്ചു. ഡല്‍ഹിയിലെ അക്രമങ്ങളുടെ ഉത്തരവാദിത്തം അമിത് ഷായ്ക്കാണ്. നിയമസഭാതിരഞ്ഞെടുപ്പ് പ്രചാരണത്തില്‍ ബിജെപി ഗൂഢാലോചന ദൃശ്യമായിരുന്നുവെന്നും ഡല്‍ഹി സര്‍ക്ക‍ാരും മുഖ്യമന്ത്രി കേ‍ജ്‍രിവാളും നിഷ്ക്രിയരായി നിന്നുവെന്നും സോണിയ കുറ്റപ്പെടുത്തി.
ചോദ്യങ്ങളുന്നയിച്ചും സോണിയ രംഗത്തെത്തി. 1. കഴിഞ്ഞ മൂന്നുദിവസം കേന്ദ്ര ആഭ്യന്തരമന്ത്രി എന്തുചെയ്യുകയായിരുന്നു ? 2. കഴിഞ്ഞ മൂന്നുദിവസം ഡല്‍ഹി മുഖ്യമന്ത്രി എവിടെ, എന്തുചെയ്യുകയായിരുന്നു ? 3. തിരഞ്ഞെടുപ്പിനുശേഷം ലഭിച്ച ഐബി മുന്നറിയിപ്പുകളില്‍ കേന്ദ്രം എന്തുനടപടിയെടുത്തു ? 4. കലാപം പടരുമെന്നുറപ്പായിട്ടും എന്തുകൊണ്ട് അര്‍ധസൈനികരെ വിന്യസിച്ചില്ല? സമാധാനകമ്മിറ്റികള്‍ രൂപീകരിക്കണം. സമാധാനം പുനഃസ്ഥാപിക്കാന്‍ ഉടന്‍ വേണ്ടത്ര സുരക്ഷാഭടന്മാരെ വിന്യസിക്കണം.ഡല്‍ഹി മുഖ്യമന്ത്രി കലാപബാധിതമേഖലകളില്‍ പോകണമെന്നും സോണിയ ആവശ്യപ്പെട്ടു.
https://ift.tt/2wVDrVv
This post have 0 komentar
EmoticonEmoticon