കൊച്ചി: ജനുവരി ഒന്നിന് സംഘടിപ്പിക്കുന്ന വനിതാ മതിലിനെതിരെ യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ. ഫിറോസ് ഹൈക്കോടതിയില്‍ ഉപഹര്‍ജി നല്‍കി. പ്രളയ ദുരിതത്തെത്തുടര്‍ന്നുള്ള നഷ്ടപരിഹാര വിതരണത്തിന് പ്രത്യേക ട്രൈബ്യൂണലിനെ നിയോഗിക്കുകയോ കേരള ലീഗല്‍ സര്‍വീസ് അതോറിറ്റിയെ ചുമതലപ്പെടുത്തുകയോ വേണമെന്നാവശ്യപ്പെട്ട് ഫിറോസ് നേരത്തെ ഹൈക്കോടതിയില്‍ ഹര്‍ജി നല്‍കിയിരുന്നു.
വനിതാമതിലിനെ ചോദ്യം ചെയ്ത് ഇതിലാണ് ഉപഹര്‍ജി നല്‍കിയത്. കഴിഞ്ഞ ആഗസ്റ്റിലുണ്ടായ പ്രളയത്തില്‍ നാശനഷ്ടങ്ങള്‍ സംഭവിച്ചവര്‍ക്കുള്ള പദ്ധതികള്‍ വ്യക്തമാക്കി പരസ്യം നല്‍കാന്‍ സര്‍ക്കാരിനോട് ഹൈക്കോടതി നിര്‍ദേശിച്ചപ്പോള്‍ പണമില്ലെന്നായിരുന്നു മറുപടി. എ
ന്നാല്‍ രാഷ്ട്രീയ ലക്ഷ്യത്തോടെയുള്ള വനിതാമതിലിന് സര്‍ക്കാര്‍ പണം ചെലവഴിക്കാനൊരുങ്ങുകയാണ്. വനിതാ മതിലിനായി സര്‍ക്കാര്‍ എത്ര തുകയാണ് ചെലവിടുകയെന്നോ ഏത് ഫണ്ടില്‍ നിന്നാണ് പണം ചെലവഴിക്കുകയെന്നോ ഇതുവരെ വ്യക്തമാക്കിയിട്ടില്ല. പ്രളയ ദുരിതാശ്വാസ ഫണ്ടില്‍ നിന്നാണ് പണം കണ്ടെത്തുന്നതെങ്കില്‍ ഇതു തടയണമെന്ന് ഹര്‍ജിയില്‍ ആവശ്യപ്പെടുന്നു.
https://ift.tt/2wVDrVv
This post have 0 komentar
EmoticonEmoticon