ബെംഗളൂരു : ശക്തമായ പോരാട്ടത്തിനൊടുവില്‍ ബെംഗളൂരു എഫ് സിയെ സമനിലയില്‍ തളച്ച് മുംബൈ സിറ്റി. ഇരു ടീമുകളും ഓരോ ഗോള്‍ വീതമാണ് നേടിയിരിക്കുന്നത്. ആദ്യം മുതല്‍ അവസാന ഘട്ടം വരെ ശക്തമായ പോരാട്ടമാണ് ബെംഗളൂരു കാഴ്ച വെച്ചത. ആദ്യ പകുതിയിലെ ഇരുപത്തി മൂന്നാം മിനുട്ടില്‍ ഉദാന്ത സിംഗ് നേടിയ ഗോളിലൂടെ ബെംഗളൂരു മുന്നിലെത്തിയിരുന്നു. അതിനുശേഷം 31ആം മിനിറ്റില്‍ മോദു സോഗൗ നേടിയ ഗോളിലൂടെ മുംബൈ സമനില പിടിക്കുകയായിരുന്നു.
എന്നാല്‍, പിന്നീട് ആവേശ പോരാട്ടം രണ്ടാം പകുതിയിലേക്ക് കടന്നപ്പോള്‍ 52ആം മിനിറ്റില്‍ ഷെഹ്നാജ് സിംഗിന് ചുവപ്പ് കാര്‍ഡ് ലഭിച്ചത് മുംബൈയ്ക്ക് കനത്ത തിരിച്ചടിയായി മാറുകയായിരുന്നു.എന്നാലും 10പേരുമായി ശക്തരായ ബെംഗളൂരുവിനെ സമനിലയില്‍ തളയ്ക്കാനായതില്‍ മുംബൈക്ക് ആശ്വസിക്കാം. ഈ മത്സരത്തോടെ 24പോയിന്റുമായി പട്ടികയില്‍ ഒന്നാം സ്ഥാനത്താണ് ബെംഗളൂരു എഫ് സി. 21 പോയിന്റുമായി മുംബൈ രണ്ടാം സ്ഥാനത്തുമുണ്ട്.
This post have 0 komentar
EmoticonEmoticon