സി.പി.എം കോഴിക്കോട് ജില്ലാ സെക്രട്ടറി പി.മോഹനന്റെയും മുൻ എം.എൽ.എ കെ.കെ. ലതികയുടേയും മകൻ ജൂലിയസ് നികിതാസിനേയും മരുമകളും ഏഷ്യാനെറ് ന്യൂസ് റിപ്പോർട്ടറുമായ സാനിയോ മനോമിയേയും അക്രമിച്ച കേസിലെ പ്രതിക്ക് വെട്ടേറ്റു. കോഴിക്കോട് കുറ്റ്യാടി അമ്പലകുളങ്ങരയിലെ ആർ.എസ്.എസ് പ്രവർത്തകൻ പൊയ്കയിൽ ശ്രീജുവിനാണ് വെട്ടേറ്റത്. ഇന്ന് ഉച്ചയോടെയാണ് സംഭവം.
അക്രമത്തിൽ സാരമായി പരിക്കേറ്റ ഇയാളെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ്. കാറിൽ വന്ന അക്രമി സംഘമാണ് വെട്ടിയതെന്നാണ് ദൃക്സാക്ഷികൾ പറയുന്നത്.
ശബരിമല വിഷയത്തിൽ ഹിന്ദു ഐക്യവേദി സംസ്ഥാന അധ്യക്ഷ കെ.പി ശശികലയെ അറസ്റ്റ് ചെയ്തതിൽ പ്രതിഷേധിച്ച് നടത്തിയ ബി.ജെ.പി ഹർത്താൽ ദിനത്തിലാണ് കോഴിക്കോട്ടുനിന്ന് കക്കട്ടിലെ വീട്ടിലേക്ക് പോവുകയായിരുന്ന പി. മോഹനന്റെ മകനും മരുമകളും ആക്രമിക്കപ്പെട്ടത്. സംഭവവുമായി ബന്ധപ്പെട്ട് നെട്ടൂർ സ്വദേശി സുധീഷിനെ പൊലീസ് അറസ്റ്റ് ചെയ്തിരുന്നു.
This post have 0 komentar
EmoticonEmoticon