കൊച്ചി: രാജ്യാന്തരവിപണിയില്‍ എണ്ണ വില താഴുമ്പോള്‍ ഒരു ഇടവേളയ്ക്ക് ശേഷം ഇന്ത്യയില്‍ ഇന്ധനവില ഉയരുന്നു. ആറുദിവസം കൊണ്ട് പെട്രോളിന് കൂടിയത് 46 പൈസയാണ്. എന്നാല്‍ ഇന്ന് പട്രോളിന് 10 പൈസയും ഡീസലിന് ഏഴു പൈസയുടെയും വര്‍ധനയാണ് രേഖപ്പെടുത്തിയിരിക്കുന്നത്. മാത്രമല്ല, കൊച്ചിയില്‍ ഇന്നത്തെ ഒരു ലിറ്റര്‍ പെട്രോളിന്റെ വില72 രൂപ 56 പൈസയാണ്്. ഡീസലിന് 68 രൂപ ഏഴു പൈസയുമാണ് കണകാക്കുന്നത്. അതായത്, അഞ്ചുദിവസം മുന്‍പ് 72 രൂപ 10 പൈസയായിരുന്ന പെട്രോള്‍ വിലയാണ് ദിവസങ്ങള്‍ക്കകം ഈ നിലയില്‍ വര്‍ധിച്ചിരിക്കുന്നത്.
എന്നാല്‍, തിരുവനന്തപുരത്ത് ഇന്ന് പെട്രോള്‍ വില 73 രൂപ 85 പൈസയായി രേഖപ്പെടുത്തിയിരിക്കുന്നു. ഡീസല്‍ വില 69 രൂപ 38 പൈസയുമായിട്ടാണ് കണകാക്കുന്നത്. കോഴിക്കോട് പെട്രോള്‍ ഡീസല്‍ വില യഥാക്രമം 72 രൂപ 87 പൈസയും, 68 രൂപ 38 പൈസയുമാണ് രേഖപ്പെടുത്തിയിരിക്കുന്നത്. കൂടാതെ, രാജ്യാന്തരവിപണിയില്‍ ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡിന്റെ വില 60 ഡോളറില്‍ താഴെയാണ്. എണ്ണവിലയിടിവ് തടയാന്‍ എണ്ണ ഉല്‍പാദക രാജ്യങ്ങളുടെ കൂട്ടായ്മയായ ഒപ്പെക്ക് എണ്ണ ഉല്‍പ്പാദനം വെട്ടിക്കുറയ്ക്കാന്‍ തീരുമാനിച്ചിരുന്നു. എന്നാല്‍ അമേരിക്കയില്‍ നിന്ന് കൂടുതല്‍ എണ്ണ വിപണിയില്‍ എത്തുന്ന പശ്ചാത്തലത്തിലാണ് എണ്ണ വില ഇടിയുന്നതെന്നാണ് നിഗമനം.
This post have 0 komentar
EmoticonEmoticon