തിരുവനന്തപുരം: മുനമ്ബം തീരത്ത് നിന്നും പുറപ്പെട്ട മനുഷ്യക്കടത്ത് സംഘം ഇന്തോനേഷ്യന്‍ തീരത്തേക്ക് നീങ്ങുന്നതായി പൊലീസിന് സൂചന ലഭിച്ചു. ബോട്ടില്‍ ശേഖരിച്ചുവെച്ചിരുന്ന ഭക്ഷ്യവസ്തുക്കളും ഇന്ധനവും തീര്‍ന്നുതുടങ്ങിയതാണ് ഇതിന് കാരണമാണെന്ന് പൊലീസ് കരുതുന്നു. സ്തീകളും കുട്ടികളുമടക്കം 230 പേരടങ്ങുന്ന സംഘം ന്യൂസിലന്‍ഡിലേക്കാണ് യാത്ര തിരിച്ചതെന്ന് വിവരം ലഭിച്ചിരുന്നു.
കടല്‍മാര്‍ഗം കൊച്ചിയില്‍നിന്ന് ന്യൂസീലന്‍ഡിലേക്ക് 11,470 കിലോമീറ്റര്‍ ദൂരമുണ്ട്. 47 ദിവസം തുടര്‍ച്ചയായി സഞ്ചരിച്ചാലേ ന്യൂസീലന്‍ഡ് തീരത്തെത്തൂ. ബോട്ടില്‍ ഒറ്റയടിക്ക് ഇത്രയും ദൈര്‍ഘ്യമേറിയ യാത്ര പ്രായാസമായതിനാലാകണം ഇന്തോനേഷ്യ ലക്ഷ്യമാക്കാന്‍ കാരണമെന്ന് പൊലീസ് കരുതുന്നു.
ഒരാഴ്ച മുമ്ബാണ് മുനമ്ബത്ത് നിന്നും സംഘം പുറപ്പെട്ടത്. ഇവര്‍ ഇപ്പോള്‍ ഇന്ത്യയുടെ സമുദ്രാതിര്‍ത്തി കടന്നു.
http://bit.ly/2wVDrVv
This post have 0 komentar
EmoticonEmoticon