തിരുവനന്തപുരം: നാടുനശിച്ചാലും വിരോധമില്ല തൻ്റെ രാഷ്ട്രീയക്കളി നടത്തണം എന്ന് കരുതുന്ന കേരളം കണ്ട ക്രൂരനായ 'ജനദ്രോഹി മുഖ്യമന്ത്രി' എന്ന നിലയിലായിരിക്കും ഭാവിയിൽ ചരിത്രം പിണറായിയെ രേഖപ്പെടുത്തുകയെന്നു കോണ്‍ഗ്രസ്‌ നേതാവ് വി എം സുധീരന്‍. ജനങ്ങളുടെ സമാധാനജീവിതം ഉറപ്പുവരുത്തേണ്ട മുഖ്യമന്ത്രി തന്നെയാണ് അരാജകമായ അവസ്ഥയിലേക്ക് സംസ്ഥാനത്തെ തള്ളിവിട്ടത്. ഇത് പൊറുക്കാനാകാത്ത അപരാധമാണെന്ന് സുധീരന്‍ പറഞ്ഞു.
മുഖ്യമന്ത്രിയും ബി.ജെ.പിയും ചേർന്ന് കേരളത്തെ യുദ്ധക്കളമാക്കി മാറ്റിയിരിക്കുകയാണ്. ഇന്നത്തെ സംഭവങ്ങളെ റിപ്പോർട്ട് ചെയ്യാനെത്തിയ മാധ്യമപ്രവർത്തകർക്ക് നേരെ ഹർത്താലനുകൂലികൾ അക്രമം നടത്തിയത് തീർത്തും അപലപനീയമാണ്.
മുഖ്യമന്ത്രിക്കെതിരെ കരിങ്കൊടിയുമായി പ്രതിഷേധിച്ച യൂത്ത് കോൺഗ്രസ് പ്രവർത്തകരെ മുഖ്യമന്ത്രിയുടെ പൈലറ്റ് വാഹനം ഇടിച്ചുവീഴ്ത്തിയത് അങ്ങേയറ്റം പ്രതിഷേധാർഹമാണെന്നും അദ്ദേഹം പറഞ്ഞു.
This post have 0 komentar
EmoticonEmoticon