ന്യൂഡല്‍ഹി: അലോക് വര്‍മ്മയ്‌ക്കു പകരം സി.ബി.ഐ ഇടക്കാല ഡയറക്ടര് പദവിയില്‍ എം നാഗേശ്വര റാവുവിനെ നിയമിച്ച പ്രധാനമന്ത്രി അദ്ധ്യക്ഷനായ ഉന്നതാധികാര സമിതി തീരുമാനം ചോദ്യം ചെയ്‌ത് സുപ്രീംകോടതിയില്‍ ഹര്‍ജി. കോമണ്‍ കോസ് എന്ന സന്നദ്ധ സംഘടനയ്‌ക്കു വേണ്ടി അഭിഭാഷകന്‍ പ്രശാന്ത് ഭൂഷണ്‍ ആണ് ഹര്‍ജി ഫയല്‍ ചെയ്‌തത്.
അലോക് വര്‍മ്മയെ സി.ബി.ഐ മേധാവി സ്ഥാനത്ത് നിയമിച്ച സുപ്രീംകോടതി വിധി മറികടന്നാണ് ഉന്നതാധികാര സമിതി നാഗേശ്വര റാവുവിനെ തിരിച്ചു കൊണ്ടുവന്നതെന്ന് ഹര്‍ജിയില്‍ പറയുന്നു.
ചട്ടപ്രകാരം മുഴുവന്‍ സമയ സി.ബി.ഐ മേധാവിയെ ഉടന്‍ നിയമിക്കണമെന്ന് ഹര്‍ജിയില്‍ ആവശ്യപ്പെടുന്നു.
സി.ബി.ഐ മേധാവിയായി തിരിച്ചെത്തിയ ശേഷം അലോക് വര്‍മ്മ നടത്തിയ സ്ഥലമാറ്റ ഉത്തരവുകള്‍ റാവു റദ്ദാക്കിയതും ഹര്‍ജിയില്‍ ചൂണ്ടിക്കാട്ടുന്നു. ഫയര്‍ സര്‍വീസസ് ഡയറക്ടര് ജനറല്‍ ആയി നിയമിച്ച അലോക് വര്‍മ്മ രാജിവച്ചതും പ്രശാന്ത് ഭൂഷണ്‍ ഹര്‍ജിയില്‍ പറയുന്നു.
http://bit.ly/2wVDrVv
This post have 0 komentar
EmoticonEmoticon