കൊച്ചി : ബാങ്ക് ജീവനക്കാര്‍ പണിമുടക്ക് കാലത്ത് കാര്‍ഷികവായ്പ തിരിച്ചടയ്ക്കാനായില്ല. അതിനാല്‍ കാര്‍ഷികവായ്പയെടുത്ത 7000 പേര്‍ക്ക് സബ്‌സിഡി നഷ്ടം സംഭവിച്ചു. 7000 പേര്‍ക്ക് നബാര്‍ഡ് നല്‍കുന്ന മൂന്നുശതമാനം പലിശ സബ്‌സിഡിയാണ് നഷ്ടമായിരിക്കുന്നത്. മാത്രമല്ല, കേരള ഗ്രാമീണ്‍ബാങ്കിലെ ജീവനക്കാര്‍ ഡിസംബര്‍ 17 മുതല്‍ 26 വരെ നടത്തിയ പണിമുടക്ക് ദിവസങ്ങളില്‍ വായ്പ തിരിച്ചടയ്ക്കാന്‍ കഴിയാതെ വന്നവര്‍ക്കാണ് സബ്‌സിഡി നഷ്ടപ്പെട്ടത്. കൂടാതെ, ബാങ്കിന്റെ വിവിധ ശാഖകളില്‍നിന്ന് കാര്‍ഷികവായ്പ എടുത്തവരാണിവര്‍. ഒരുലക്ഷത്തിന് ഏഴുശതമാണ് പലിശ വരുന്നത്. അതുകൊണ്ട് തന്നെ വായ്പ യഥാസമയം തിരിച്ചടച്ചാല്‍ മൂന്നുശതമാനം പലിശ സബ്‌സിഡിയായി നബാര്‍ഡ് തിരിച്ചുനല്‍കുന്നതാണ്.
മാത്രമല്ല, മൊത്തം 41.70 കോടി രൂപയാണ് പണിമുടക്ക് കാലത്ത് കര്‍ഷകര്‍ക്ക് ബാങ്കുകളില്‍ തിരിച്ചടയ്ക്കാനാവാതിരുന്നത്. ഇത്രയും തുകയുടെ മൂന്നുശതമാനമായ ഏകദേശം 1.25 കോടി രൂപയാണ് സബ്‌സിഡി ഇനത്തില്‍ കര്‍ഷകര്‍ക്ക് കിട്ടാതെപോയത്. സമയംതെറ്റി വായ്പ തിരിച്ചടച്ചെങ്കിലും നബാര്‍ഡ് പലിശ സബ്‌സിഡി നല്‍കാന്‍ തയ്യാറല്ല. എന്നിരുന്നാലും പണിമുടക്ക് കഴിഞ്ഞ് നാലുദിവസംവരെ സബ്‌സിഡിയോടെ വായ്പ തിരിച്ചടയ്ക്കാന്‍ അനുമതി നല്‍കിയതായി ഗ്രാമീണ്‍ബാങ്ക് അധികൃതര്‍ പറയുന്നുണ്ടെങ്കിലും നിര്‍ദേശം ലഭിച്ചിട്ടില്ലെന്നാണ് ബാങ്ക് ഉദ്യോഗസ്ഥര്‍ പറയുന്നത്. മാത്രമല്ല, കാര്‍ഷികോത്പന്നങ്ങളുടെ വിലയിടിവും തൊഴിലില്ലായ്മയും കാരണം പ്രയാസം നേരിടുന്നവര്‍ക്ക് സബ്‌സിഡി ഇന്‍സന്റീവ് ലഭിക്കാത്തത് വലിയ തിരിച്ചടിയായി.
This post have 0 komentar
EmoticonEmoticon