തിരുവനന്തപുരം: പാര്‍ട്ടിയില്‍ നിന്ന് പുറത്താക്കിയവരെ തിരിച്ചെടുക്കണമെന്ന് മുരളീധരപക്ഷം ആവശ്യപ്പെട്ട സാഹചര്യത്തില്‍ കമ്മിറ്റിയില്‍ ചര്‍ച്ച നടത്തി. ഇതിനെച്ചൊല്ലി ബി.ജെ.പി കോര്‍കമ്മിറ്റിയില്‍ തര്‍ക്കം നടന്നു. തുടര്‍ന്ന് ഇവരെ തിരിച്ചെടുക്കാന്‍ കമ്മിറ്റി തത്വത്തില്‍ തീരുമാനിച്ചു. ഇതില്‍ പ്രതിഷേധിച്ച് എം.ടി രമേശ് യോഗത്തില്‍ നിന്ന് ഇറങ്ങിപ്പോയി.
മുന്‍ സംസ്ഥാന സെക്രട്ടറി വി.വി രാജേഷ് അടക്കമുള്ളവരെ തിരിച്ചെടുക്കണമെന്നായിരുന്നു കെ. സുരേന്ദ്രന്‍ യോഗത്തില്‍ ആവശ്യപ്പെട്ടത്. എന്നാല്‍ അതിനുള്ള സമയമായിട്ടില്ലെന്നും, ഇവരെ തിരിച്ചെടുക്കാന്‍ കഴിയില്ലെന്നുമുള്ള നിലപാടിലേക്ക് മറുപക്ഷം എത്തുകയായിരുന്നു.
യോഗത്തില്‍ രൂക്ഷമായ ചേരിതിരിഞ്ഞ വാക്കേറ്റം ഉണ്ടാകുകയും ചെയ്തിരുന്നു. ഒടുവില്‍ സംസ്ഥാന പ്രസിഡണ്ട് അടക്കമുള്ള ആളുകള്‍ അനുകൂല നിലപാട് എടുത്തതോടുകൂടി തീരുമാനം തത്വത്തില്‍ അംഗീകരിക്കുകയാണ് യോഗം ചെയ്തത്. ഇതില്‍ പ്രതിഷേധിച്ചാണ് എം.ടി രമേശ് യോഗത്തില്‍ നിന്ന് ഇറങ്ങിപ്പോയത്.
http://bit.ly/2wVDrVv
This post have 0 komentar
EmoticonEmoticon