മുന്നോക്കക്കാരിലെ പിന്നോക്കക്കാരെ കണ്ടെത്താൻ പുതിയ കമ്മീഷനെ വെക്കാനൊരുങ്ങി സർക്കാർ. മുന്നോക്കക്കാരിലെ പിന്നോക്കക്കാരെ കണ്ടെത്താനുള്ള മാനദണ്ഡങ്ങൾ നിശ്ചയിക്കാനാണ് റിട്ടയേ‍ർഡ് ജില്ലാ ജഡ്ജി കെ.ശശിധരൻനായർ, അഡ്വ.കെ.രാജഗോപാലൻനായർ എന്നിവരെ കമ്മീഷനാക്കിയത്. മൂന്ന് മാസത്തിനുള്ളിൽ റിപ്പോർട്ട് നൽകാനാണ് നിർദ്ദേശം.ഒപ്പം മുന്നോക്കക്കാരിലെ പിന്നോക്കക്കാർക്കായുള്ള സ്ഥിരം കമ്മീഷനും പുന:സംഘടിപ്പിച്ചിട്ടുണ്ട്.
ലോക്സഭാ തെരഞ്ഞെടുപ്പ് അടുത്തിരിക്കെ സംവരണ കാർഡിറക്കി ഇടഞ്ഞുനിൽക്കുന്ന എൻഎസ്എസ്സിനെ അനുനയിപ്പിക്കുക കൂടി ലക്ഷ്യമിട്ടാണ് സർക്കാരിന്റെ നടപടി. ശബരിമലപ്രശ്നത്തോടെ ബിജെപിയോട് അടുപ്പത്തിലാണ് എൻഎസ്എസ്. മുന്നോക്കക്കാരിലെ പിന്നോക്കക്കാർക്ക് പത്ത് ശതമാനം സംവരണം കേന്ദ്ര പ്രഖ്യാപിച്ചതോടെ ബന്ധം കൂടുതൽ ദൃഡമായി. ഇത് പൊളിച്ച് എൻഎസ്എസിനെ കൂടെ നിർത്താനാണ് സർക്കാർ നടപടി. സംസ്ഥാന സർക്കാർ പ്രഖ്യാപിച്ച കമ്മീഷനറെ കാര്യത്തിൽ പക്ഷെ എൻഎസ്എസ് നേതൃത്വം ഇതുവരെ അനുകൂലമായി പ്രതികരിച്ചിട്ടില്ല.
https://ift.tt/2wVDrVv
This post have 0 komentar
EmoticonEmoticon