തിരുവനന്തപുരം: കാസര്കോട് മണ്ഡലത്തില് കള്ളവോട്ട് ചെയ്യുന്നതിന്റെ ദൃശ്യങ്ങള് പുറത്ത് വന്ന സാഹചര്യത്തില് യു.ഡി.എഫ് ശക്തമായ നിയമ നടപടികള് എടുക്കുമെന്ന് പ്രതിപക്ഷ നേതാവ് രമേശ് ചെന്നിത്തല.കാസര്കോട് ലോക്സഭാ മണ്ഡലത്തില്പ്പെടുന്ന ചെറുതാഴം പഞ്ചായത്തിലെ പത്തൊമ്പതാം നമ്പര് ബൂത്തില് കള്ളവോട്ട് ചെയ്യുന്നതിന്റെ ദൃശ്യങ്ങളാണ് പുറത്തു വന്നിട്ടുള്ളത്.
ജനഹിതം അട്ടിമറിക്കാന് സി.പി.എം വ്യാപകമായി കള്ള വോട്ട് ചെയ്യുകയാണെന്നാണ് തെളിഞ്ഞിരിക്കുന്നതെന്നും അട്ടിമറിക്ക് ഉദ്യോഗസ്ഥരും കൂട്ടു നിന്നെന്നും രമേശ് ചെന്നിത്തല ആരോപിച്ചു.
'കാസര്കോട് ലോക്സഭാ മണ്ഡലത്തില് മാത്രം ഏതാണ്ട് 5000ത്തിലധികം കള്ളവോട്ടുകള് സി.പി.എം ചെയ്തുവെന്നാണ് ഇപ്പോള് വ്യക്തമായിരിക്കുന്നത്. കണ്ണൂര് ജില്ലയിലും കേരളത്തിന്റെ മറ്റു ഭാഗങ്ങളിലും സി പിഎമ്മിന് ശക്തിയുള്ള പ്രദേശങ്ങളില് ഇത്തരത്തില് വ്യാപകമായ കള്ളവോട്ടുകള് നടന്നിട്ടുണ്ട്', ചെന്നിത്തല കുറ്റപ്പെടുത്തുന്നു.
ഇതിന് പിന്നില് പ്രവര്ത്തിച്ച സി പി എം നേതാക്കള്ക്കും, കള്ളവോട്ടിന് സഹായം നല്കിയ ഉദ്യോഗസ്ഥര്ക്കുമെതിരെ ശക്തമായ നിയമനടപടികള് കോണ്ഗ്രസും യു ഡി എഫും സ്വീകരിക്കുമെന്നും രമേശ് ചെന്നിത്തല വ്യക്തമാക്കി.
This post have 0 komentar
EmoticonEmoticon