ആലത്തൂര്‍: ഇടത് മുന്നണി കൺവീനർ എ വിജയരാഘവനെതിരെ നൽകിയ പരാതിയിൽ ആലത്തൂർ മണ്ഡലം യുഡിഎഫ് സ്ഥാനാർത്ഥി രമ്യാ ഹരിദാസിന്‍റെ മൊഴി രേഖപ്പെടുത്തി. വ്യക്തിപരമായി അധിക്ഷേപിക്കുന്ന അശ്ലീല പരാമർശം നടത്തിയെന്നായിരുന്നു രമ്യഹരിദാസിന്‍റെ പരാതി. പരാതിയിൽ ഉറച്ച് നിൽക്കുന്നുവെന്ന് രമ്യ ഹരിദാസ് അന്വേഷണ സംഘത്തോട് പറഞ്ഞു. വിജയരാഘവനെതിരെ നിയമനടപടിയുമായി മുന്നോട്ടു പോകുമെന്നും രമ്യ കൂട്ടിച്ചേര്‍ത്തു.
പൊന്നാനിയില്‍ നടന്ന തെരഞ്ഞെടുപ്പ് പ്രചാരണ പരിപാടിയില്‍ രമ്യ ഹരിദാസിനെതിരെ എല്‍ഡിഎഫ് കണ്‍വീനര്‍ എ വിജയരാഘന്‍ നടത്തിയ പരാമര്‍ശം വിവാദമായിരുന്നു.
വിജയരാഘവന്‍ നടത്തിയ മോശം പരാമര്‍ശത്തിനെതിരെയാണ് രമ്യ പരാതി നല്‍കിയത്. നേരത്തെ, ഇത് സംബന്ധിച്ച വാര്‍ത്തകള്‍ വിജയരാഘവന്‍ തള്ളിയിരുന്നു. താന്‍ ആരെയും വേദനിപ്പിക്കാന്‍ പറഞ്ഞതല്ലെന്നും കോണ്‍ഗ്രസിനെയും മുസ്ലീം ലീഗിനെയും ഉദ്ദേശിച്ച്‌ പറഞ്ഞ വാക്കുകളാണെന്നുമായിരുന്നു വിജയരാഘവന്റെ വിശദീകരണം.
https://ift.tt/2wVDrVv
This post have 0 komentar
EmoticonEmoticon