ചിത്രദുര്‍ഗ: പ്രധാനമന്ത്രി നരേന്ദ്ര മോദിക്കെതിരെ രൂക്ഷവിമര്‍ശനവുമായി കോംഗ്രസ് അദ്ധ്യക്ഷന്‍ രാഹുല്‍ ഗാന്ധി. കാവല്‍ക്കാരന്‍ നൂറുശതമാനവും കള്ളനാണെന്ന് പറഞ്ഞ രാഹുല്‍ ഗാന്ധി എന്തുകൊണ്ടാണ് കള്ളന്‍മാര്‍ക്കെല്ലാം മോദി എന്ന പേരുവരുന്നതെന്നും ചോദിച്ചു. കര്‍ണാടകയിലെ കോളാര്‍, ചിത്രദുര്‍ഗ മേഖലകളില്‍ നടന്ന തിരഞ്ഞെടുപ്പ് റാലികളില്‍ സംസാരിക്കുകയായിരുന്നു അദ്ദേഹം.
അവര്‍ കള്ളന്‍മാരുടെ കൂട്ടമാണ്. കര്‍ഷകരും ചെറുകിട വ്യവസായികളുമായ നിങ്ങളുടെ പോക്കറ്റില്‍നിന്നു പണം കൈക്കലാക്കി അവര്‍ നീരവ് മോദി, മെഹുല്‍ ചോക്സി, വിജയ് മല്ല്യ, ലളിത് മോദി എന്നിങ്ങനെ 15 പേര്‍ക്കായി നല്‍കി. നീരവ് മോദി, ലളിത് മോദി, നരേന്ദ്രമോദി. എന്താണ് ഈ കള്ളന്‍മാര്‍ക്കെല്ലാം മോദി എന്നു പേരു വരുന്നത്. ഇനിയും തെരഞ്ഞാല്‍ കൂടുതല്‍ മോദിമാരുടെ പേരുകള്‍ പുറത്തുവരുമെന്നും രാഹുല്‍ ഗാന്ധി പറഞ്ഞു.
അഞ്ചു കോടി കുടുംബങ്ങള്‍ക്ക് 72,000 രൂപ വര്‍ഷംതോറും ലഭിക്കുന്ന ന്യായ് പദ്ധതി കോണ്‍ഗ്രസ് പ്രഖ്യാപിച്ചതോടെ കാവല്‍ക്കാരന്റെ മുഖംചുളിഞ്ഞു. എവിടെനിന്നാണ് പണംകണ്ടെത്തുന്നതെന്നായിരുന്നു അവരുടെ മറുചോദ്യം. നിങ്ങളുടെ സുഹൃത്ത് അനില്‍ അംബാനിയുടെ പോക്കറ്റില്‍നിന്നു പണം വരുമെന്നാണ് മോദിയോടു എനിക്കു പറയാനുള്ളത്. കാര്‍ഷിക ബജറ്റിലൂടെ കോണ്‍ഗ്രസ് കര്‍ഷകരുടെ ഹൃദയത്തിലെ ഭീതി നീക്കുമെന്നും കാര്‍ഷിക കടം തിരിച്ചടയ്ക്കാത്തതിന്റെ പേരില്‍ ഒരു കര്‍ഷകനും ജയിലില്‍ പോകേണ്ടിവരില്ലെന്നും രാഹുല്‍ പറഞ്ഞു.
കാര്‍ഷിക ബജറ്റിലൂടെ കോണ്‍ഗ്രസ് കര്‍ഷകരുടെ ഹൃദയത്തിലെ ഭീതി നീക്കുമെന്നും കാര്‍ഷിക കടം തിരിച്ചടയ്ക്കാത്തതിന്റെ പേരില്‍ ഒരു കര്‍ഷകനും ജയിലില്‍ പോകേണ്ടിവരില്ലെന്നും രാഹുല്‍ പറഞ്ഞു. ഒരു വശത്ത് വെറുപ്പും വിദ്വേഷവും അനീതിയുമാണെന്നും ഇതിനെ സ്നേഹത്തിലൂടെയും സാഹോദര്യത്തിലൂടെയും നീതിയിലൂടെയുമാണ് കോണ്‍ഗ്രസ് നേരിടുന്നതെന്നും രാഹുല്‍ കൂട്ടിച്ചേര്‍ത്തു.
This post have 0 komentar
EmoticonEmoticon