തിരുവനന്തപുരം: സംസ്ഥാനത്ത് വോട്ടെണ്ണലിനായുള്ള ഒരുക്കങ്ങൾ പൂർത്തിയായതായി മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ. എട്ട് മണിക്ക് വോട്ടെണ്ണൽ ആരംഭിക്കും. വോട്ടെണ്ണൽ കേന്ദ്രത്തിനുള്ളിൽ ഔദ്യോഗിക ക്യാമറകൾ സ്ഥാപിക്കും. മൂന്ന് തലത്തിലുള്ള സുരക്ഷയാണ് വോട്ടെണ്ണൽ കേന്ദ്രങ്ങളിൽ ഒരുക്കിയിട്ടുള്ളത്. ഔദോഗിക പ്രഖ്യാപനം രാത്രി 10 മണിയോടെ മാത്രമേ ഉണ്ടാവൂ എന്നും മുഖ്യതെരഞ്ഞെടുപ്പ് ഓഫീസർ അറിയിച്ചു. വിവിപാറ്റ് രസീതുകൾ എണ്ണുന്നതിനാലാണ് ഫലപ്രഖ്യാപനം വൈകുന്നത്. തിരുവനന്തപുരത്ത് നടത്തിയ വാർത്താസമ്മേളനത്തിലാണ് അദ്ദേഹം ഇക്കാര്യം അറിയിച്ചത്.
സംസ്ഥാനത്താകെ 29 വോട്ടെണ്ണൽ കേന്ദ്രങ്ങളുണ്ടാകുമെന്ന് ടിക്കാറാം മീണ പറഞ്ഞു. വോട്ടെണ്ണൽ രാവിലെ എട്ടു മണിക്ക് തുടങ്ങും. ആദ്യം തപാൽ വോട്ടുകളാണ് എണ്ണുക. വോട്ടെണ്ണൽ ദിവസം രാവിലെ എട്ടുമണിവരെ ലഭിക്കുന്ന തപാൽ വോട്ടുകൾ എണ്ണും. അതിനുശേഷമാകും ഇലക്ട്രോണിക് വോട്ടിങ് മെഷീനിലെ വോട്ടുകൾ എണ്ണുകയെന്നും അദ്ദേഹം പറഞ്ഞു .
http://bit.ly/2wVDrVv
This post have 0 komentar
EmoticonEmoticon