പ്രധാനമന്ത്രി നരേന്ദ്ര മോദിയുടെ ജീവചരിത്രത്തെ അടിസ്ഥാനമാക്കിയുള്ള സിനിമ പിഎം നരേന്ദ്ര മോദി മെയ് 24 ന് റിലീസ് ചെയ്യുമെന്ന് അണിയറപ്രവർത്തകർ. നേരത്തെ ഏപ്രിൽ 11 ന് ചിത്രം റിലീസ് ചെയ്യാനായിരുന്നു അണിയറക്കാർ തീരുമാനിച്ചിരുന്നത്. എന്നാൽ ചിത്രം റിലീസ് ചെയ്യുന്നതിനെതിരെ പരാതി ഉയർന്നതോടെ തെരഞ്ഞെടുപ്പ് കമ്മീഷൻ റിലീസ് തടയുകയായിരുന്നു.
പിന്നീട് അണിയറപ്രവർത്തകർ സുപ്രീംകോടതിയെ സമീപിച്ചെങ്കിലും ഫലമുണ്ടായില്ല. വിവേക് ഒബ്റോയ് മോദിയായെത്തുന്ന ചിത്രത്തില്‍ ബോമന്‍ ഇറാനി, മനോജ് ജോഷ്, സറീന വഹാബ്, ബര്‍ഖ ബിഷ്ട്, ദര്‍ശന്‍ റവാല്‍, അക്ഷദ് ആര്‍ സലൂജ, സുരേഷ് ഒബ്റോയ്, അഞ്ചന്‍ ശ്രീവാസ്തവ്, രാജേന്ദ്ര ഗുപ്ത, യതിന്‍ കാര്യേക്കര്‍ എന്നിവരും പ്രധാന വേഷങ്ങളെ അവതരിപ്പിക്കുന്നുണ്ട്.
സന്ദീപ് സിംഗാണ് ചിത്രം നിർമിച്ചിരിക്കുന്നത്. ഒമങ് കുമാർ ആണ് ചിത്രം സംവിധാനം ചെയ്യുന്നത്. ഏറെ നാളത്തെ വിവാദങ്ങൾക്കും കാത്തിരിപ്പുകൾക്കുമൊടുവിലാണ് തെരഞ്ഞെടുപ്പ് ഫലം പുറത്തുവരുന്നതിന്‍റെ പിറ്റേ ദിവസം ചിത്രം പ്രദർശനത്തിനെത്തുന്നത്.
http://bit.ly/2wVDrVv
This post have 0 komentar
EmoticonEmoticon