ന്യൂഡല്‍ഹി: കോണ്ഗ്രസ് അധ്യക്ഷന്‍ രാഹുല്‍ ഗാന്ധിയും കേന്ദ്രമന്ത്രി സ്മൃതി ഇറാനിയും നേര്‍ക്കുനേര്‍ ഏറ്റുമുട്ടുന്ന അമേതി മണ്ഡലത്തിലെ സ്ട്രോംഗ് റൂമുകളില്‍ നിന്ന് വോട്ടിംഗ് യന്ത്രങ്ങള്‍ പുറത്തേക്ക് കടത്തിയതായി റിപ്പോര്‍ട്ട്. ഇ.വി.എമ്മുകള്‍ സ്ട്രോംഗ് റൂമില്‍ നിന്ന് പുറത്തേക്കെത്തിച്ച്‌ ട്രക്കില്‍ കടത്തുന്ന വീഡിയോയാണ് പുറത്ത് വന്നത്.
മണ്ഡലത്തിലെ കോണ്ഗ്രസ് പ്രവര്‍ത്തകനാണ് ഇ.വി.എമ്മുകള്‍ പുറത്തേക്ക് എത്തിക്കുന്നതിന്റെ വീഡിയോ പുറത്തുവിട്ടത്. ഇ.വി.എമ്മുകള്‍ മാറ്റുന്നതു സംബന്ധിച്ച്‌ തിരഞ്ഞെടുപ്പു കമ്മിഷന് അറിയിപ്പുകളൊന്നും ലഭിച്ചിട്ടില്ലെന്നും മെഷീനുകള്‍ കടത്തിയതില്‍ ദുരൂഹതയുണ്ടെന്നും ഇയാള്‍ ആരോപിച്ചു.
സംഭവത്തില്‍ തിരഞ്ഞെടുപ്പു കമ്മിഷന് പരാതി നല്‍കിയിട്ടുണ്ട്. സംഭവത്തെക്കുറിച്ച്‌ അന്വേഷിക്കാന്‍ ജില്ലാ ഓഫീസുമായി ബന്ധപ്പെട്ടെങ്കിലും പ്രതികരിക്കാന്‍ തയ്യാറായില്ലെന്ന് കോണ്ഗ്രസ് പ്രവര്‍ത്തകര്‍ ആരോപിക്കുന്നു.
വിഡിയോ പുറത്തുവന്നതിനു പിന്നാലെ റീപോളിംഗ് നടത്തണമെന്ന ആവശ്യവുമായി രാഹുല്‍ഗാന്ധി രംഗത്തെത്തി.
This post have 0 komentar
EmoticonEmoticon